48:623  SERMONS  DE  LA  PENTECOSTE.  PREMIER  SERMON  DE  LA  DESCENTE  DU  S.  ESPRIT  SUR  LES  APOSTRES,  FAIT  AU  IOUR  DU  PENTECOSTE  AUQUEL  SE  CELEBRE  LA  SAINCTE  CENE  DU  SEIGNEUR.  ACTES  Ch.  IL  1.  Et  quand  ce  veint  au  iour  de  Pentecoste  ils  estoyent  tous  d'un  courage  en  un  mesme  lieu.  2.  Et  soudainement  se  feit  un  son  du  ciel,  comme  d'un  vent  vehement  qui  se  fust  esleve,  lequel  remplit  tout  la  maison  ou  ils  estoyent  assis:  3.  Et  leur  apparurent  langues  departies  comme  de  feu,  et  se  poserent  sur  un  chacun  d'eux.  4.  Et  tous  furent  remplis  du  sainct  Esprit,  et  commencerent  a  parler  langues  estranges,  ainsi  que  V  Esprit  leur  donnoit  a  parler.  Nous  sommes  de  nature  si  enclins  a,  incredulite,  qu'il  est  besoin  que  la  verite  de  Dieu  soit  seellee  en  nos  coeurs  d'une  facon  authentique  afin  que  nous  la  recevions  et  que  nous  soyons  du  tout  arrestez  a  icelle.  Vray  est  que  Dieu  la  signe  au  coeur  d'un  chacun  des  fideles  par  son  sainct  Esprit,  et  voyla  aussi  pourquoy  il  est  nomme  le  seau  de  l'Evangile:  mais  ii  a  falu  que  ceux  qui  devoyent  annoncer  ceste  doctrine  par  tout  le  monde  ayent  este  seellez  en  premier  lieu,  et  que  Dieu  les  ait  gouvernez  en  telle  sorte  que  maintenant  nous  soyons  asseurez  en  pleine  certitude  de  la  doctrine  qu'ils  nous  ont  publiee,  que  nous  ne  la  tenons  pas  d'eux  comme  de  creatures  mortelles,  mais  que  Dieu  en  est  le  vray  autheur.  Car  nous  scavons  que  nostre  foy  auroit  un  fondement  trop  debile  si  nous  n'avions  que  l'authorite  des  hommes.  Nous  serions  donc  tousiours  en  bransle,  sinon  que  nos  esprits  s'eslevassent  par  dessus  le  monde  et  fussent  fondez  en  Dieu,  scachons  que  c'est  luy  duquel  est  procedee  ceste  Parolle  de  salut  qui  nous  est  iournellement  preschee.  Et  voyla  pourquoy  ceste  histoire  nous  a  este  couchee  par  escrit:  ascavoir  afin  que,  toutes  fois  et  quantes  que  nous  avons  a  lire  la  Parolle  de