48:588  roir,  que  tout  ainsi  que  Iesus  Christ  est  ressuscite,  et  a  vaincu  la  mort,  aussi  il  a  ouvert  le  ciel  afin  que  nous  y  entrions  par  sa  conduite.  Ii  adiouste  qu'en  se  monstrant  il  a  traitte  du  Boyaume  de  Dieu  aves  ses  amis.  En  quoy  nous  avons  a  noter  que  la  commission,  qui  a  este  donnee  a  ceux  dont  nous  avons  la  doctrine  de  l'Evangile,  n'a  pas  este  en  un  mot  ni  pour  une  minute  de  temps,  mais  que  par  long  temps  ils  ont  este  instruits  comme  il  appartenoit.  Et  qu'ayans  receu  une  doctrine  plene,  et  une  authorite  pour  la  distribuer,  ils  nous  l'ont  fidelement  annoncee.  Voyla  qu'il  faut  noter  en  ce  mot.  Or  il  dit  que  Iesus  Christ  s'est  monstre  a  ses  Apostres,  et  que  se  monstrant  il  a  traitte  du  Royaume  de  Dieu  avec  eux.  Mais  il  faut  scavoir  que  c'est  que  S.  Luc  entend  par  le  Royaume  de  Dieu.  Il  n'entent  pas  par  ce  Royaume  de  Dieu  la  vie  eternelle,  comme  on  le  prend  communeement,  et  comme  on  le  pourroit  yci  prendre  de  prime  face,  pour  dire,  le  Royaume  de  Dieu  est  celuy  que  nous  attendons  par  esperance.  Mais  S.  Luc  le  prend  pour  le  gouvernement  spirituel  par  lequel  Iesus  Christ  nous  tient  en  son  obeissance,  iusques  a  ce  qu7il  nous  ait  du  tout  reformez  a  son  image,  et  que,  nous  ayans  despouillez  de  ce  corps  mortel,  ii  nous  mette  au  ciel.  Voyla  ce  que  veut  dire  S.  Luc.  Mais  pour  en  avoir  declaration  plus  facile,  prenons  le  contraire  du  Royaume  de  Dieu:  c'est  la  vie  des  hommes  qui  sont  addonnez  a  leur  nature  corrompue.  Et  de  faict,  si  Iesus  Christ  se  retiroit  de  nous,  nous  laissant  aller  comme  nous  voudrions,  nous  voila  hors  du  Royaume  de  Dieu.  Car  le  Royaume  de  Dieu  presuppose  une  reformation:  mais  n'apportons  que  miseres  et  corruptions  en  ce  monde:  brief,  nous  sommes  bestes  errantes  et  le  diable  regne  sur  nous,  et  nous  assuietit  ainsi  que  bon  luy  semble.  Voyla  que  c'est  de  l'homme  iusques  a  ce  que  Dieu  l'ait  reforme.  Ainsi  donc  soyons  apprins  en  cela,  de  cognoistre  quels  nous  sommes  iusques  a  ce  que  Iesus  Christ  nous  ait  reformez.  Quoy  donc?  voulons-nous  un  plus  grand  mal  que  cestuy-la,  que  Satan  nous  possede  ainsi  et  soit  nostre  maistre?  Ainsi  nous  voyons  (di-ie)  que  c'est  de  nous,  iusqu'a  ce  que  Dieu,  selon  sa  bonte  infinie,  nous  ait  tendu  la  main,  voire  pour  nous  introduire  en  son  Royaume,  et  que  nous  soyons  suiets  a  luy  et  a  sa  iustice.  Et  cependant  nous  voyons  aussi  combien  nous  devons  estimer  ceste  grace  quand  elle  nous  est  donnee,  et  que  Iesus  Christ  nous  retire  a  soy.  Voyci  la  felicite  des  hommes  que  Dieu  soit  leur  Roy.  Vray  est  que,  combien  que  les  rois  appetent  les  royaumes  pour  se  faire  valoir,  et  pour  avoir  domination  sur  les  peuples,  sans  regarder  a  autre  fin  meilleure,  neantmoins  quand  il  y  aura  un  Prince  qui  sera  doue  de  graces  excellentes,  chacun  s'estimer  a  heureux  d'estre  sous  sa