48:587  587  SERMONS  588  certains  que  Iesus  Christ  est  ressuscite.  Car  voyla  que  dit  S.  Paul  en  1a  premiere  aux  Corinthiens,  ch.  15:  Que  si  Iesus  Christ  n'est  ressuscite,  nostre  foy  est  mise  bas,  l'Evangile  se  presche  en  vain,  nous  n'avons  point  d'esperance  non  plus  que  bestes.  Par  cela  nous  voyons  que  la  fin  de  nostre  esperance  est  que  Iesus  Christ  est  ressuscite  des  morts.  Et  de  faict,  c'est  la  victoire  qu'il  a  acquise:  ouy,  pour  nous  monstrer  qu'il  est  maistre  et  de  la  vie  et  de  la  mort.  S.  Paul  dit  que  Iesus  Christ  est  mort  pour  nos  pechez,  et  s'il  fust  demeure  en  la  mort,  quelle  esperance  pourrions-nous  avoir  en  luy?  Mais  voyla  sa  resurrection  qui  est  le  triomphe  qu'il  a  par  dessus  la  mort,  afin  que  nous  puissions  esperer  en  luy.  S.  Pierre,  pour  nous  monstrer  la  confiance  que  nous  devons  avoir  en  Iesus  Christ,  n'ameine  autre  chose  que  sa  resurrection.  Notons  donc  que,  quand  S.  Luc  dit  que  Iesus  Christ  s'est  monstre  vivant,  il  parle  d'une  chose  qui  estoit  requise  pour  l'asseurance  de  nostre  salut.  Parquoy,  si  nous  voulons  avoir  le  principal  de  la  Chrestiente,  il  faut  que  nous  venions  a  ceste  resurrection,  par  laquelle  il  nous  a  acquis  vie  et  salut,  et  par  laquelle  il  s'est  monstre  estre  le  vray  Fils  de  Dieu.  Au  reste,  apprenons  aussi,  puis  que  S.  Luc  dit  que  Iesus  Christ  a  donne  telles  approbations  qu'il  est  ressuscite,  de  ne  point  revoquer  en  doute  ee  qui  a  este  si  bien  approuve  de  Dieu.  Quand  donc  maintenant  nous  ne  serons  point  du  tout  persuadez  de  la  resurrection  de  Iesus  Christ,  cela  vient  de  nostre  ingratitude:  car  il  n'a  pas  tenu  a,  luy  que  sa  resurrection  ne  nous  soit  assez  signifiee.  Aussi  S.  Luc  use  d'un  mot  qui  signifie  un  argument  qui  amene  l'approbation  quant  et  quant.  Et  de  faict,  nous  voyons  combien  les  Evangelistes  ont  travaille  en  cela.  Car  ce  vient  a  reciter  la  resurrection,  ils  amenent  toutes  les  circonstances,  et  puis  ils  recitent  tant  de  tesmoignages,  comment  il  a  parle,  il  a  este  touche,  et  a  declare  que  ce  n'estoit  point  un  phantosme  ou  vision,  de  quoy  on  eust  peu  estre  trouble  par  apres.  Voyla  donc  qu'il  faut  que  nous  cognoissions,  que  puis  qu'ils  ont  tant  travaille  en  cela,  il  ne  faut  point  que  nous  en  ayons  quelque  doute,  mais  nous  convient  tenir  leurs  propos  pour  tout  certains,  veu  qu'ils  ont  une  telle  approbation.  Et  pourtant  sur  ce  poinct  ou  S.  Luc  dit  que  Iesus  Christ  s'est  monstre  vivant  apres  qu'il  a  eu  endure  la  mort,  et  qu'il  y  en  a  eu  approbations  tant  certaines,  apprenons  qu'il  faut  que  nous  en  ayons  un  fondement  qui  ne  puisse  iamais  estre  esbranle.  Et  aussi  que,  tout  ainsi  qu'il  a  este  victorieux  de  sa  mort,  il  ha  maintenant  sa  main  estendue  pour  nous  conduire  a  salut.  Et  toutes  fois  et  quantes  que  nous  voudrons  avoir  certitude  de  nostre  salut,  il  ne  faut  point  que  nous  venions  aux  creatures,  mais  que  nous  regardions  comme  en  un  mi-