48:586  ombre  de  cela  (comme  le  monde  est  malin)  on  eust  peu  prendre  couleur  de  mespriser  ceste  doctrine,  ou  n'en  tenir  si  grand  conte.  Yoyla  pourquoy  S.  Luc  prononce  que  la  charge  qu'ont  les  Apostres  d'enseigner,  ne  procede  pas  seulement  de  Iesus  Christ,  mais  que  cela  est  aussi  procede  du  8.  Esprit.  Nous  voyons  donc  maintenant  que  la  charge  de  prescher  l'Evangile  est  Divine,  et  que  cela  n'est  point  venu  des  hommes,  mais  de  Dieu  qui  Ta  establi.  Cependant  il  nous  faut  noter  aussi  que  le  sommaire  de  l'Evangile  est  comprins  en  ces  deux  mots,  c'est  ascavoir  que  Iesus  Christ  a  enseigne  et  quHl  a  fait:  tellement  que,  pour  estre  Chrestiens,  il  faut  que  nous  soyons  instruis  en  ceste  doctrine  qui  nous  a  este  apportee  par  Iesus  Christ  :  et  puis  aussi  que  nous  en  ayons  la  confirmation  quant  et  quant.  Car  il  n'a  pas  seulement  parle,  mais  il  a  accompli  toutes  choses  necessaires  pour  nostre  salut.  Au  reste,  pource  que  le  principal  de  tout  ce  qu'il  a  fait  pour  nostre  salut,  est  sa  mort  et  sa  resurrection,  il  en  est  parle  consequemment.  S.  Luc  dit  donc  que  Iesus  Christ,  apres  avoir  souffert,  s'est  monstre  vivant  a  ses  disciples:  voire  avec  beaucoup  d'approbation.  Et  non  sanc  cause:  car  quand  on  nous  aura  recite  les  promesses  de  Dieu,  si  est-ce  que  nostre  foy  sera  tousiours  en  suspens,  iusques  a  ce  que  nous  soyons  asseurez  de  sa  grace.  Ce  qui  ne  peut  estre  que  nous  n'ayons  le  gage  qu'il  nous  en  donne:  ascavoir  que  Iesus  Christ  a  souffert  pour  nostre  redemption,  et  porte  la  peine  deue  a  nos  pechez.  Nous  voyons  donc  que  S.  Luc  ne  parle  pas  yci  en  vain  des  approbations  qui  ont  este  donnees  pour  nous  rendre