48:3  3  IN  ACTA  APOSTOLORUM  et  absolutas,  quum  adscendit  Christus  ad  patrem:  ideoque  hac  narratione  Lucam  officio  suo  fuisse  perfunctum,  quod  ad  Christi  doctrinam  et  facta  spectat.  Et  sursum  dicitur  sublatus,  ut  sciamus,  vere  ex  mundo  hoc  migrasse:  ne  assentiamur  eorum  deliriis,  qui  nullam  in  adscensu  mutationem  loci  factam  esse  putant.  Mandata  per  spiritum.  Admonet  his  verbis  Lucas,  non  ita  recessisse  Christum  a  mundo,  ut  nostri  curam  abiecerit:  nam  quod  perpetuum  in  ecclesia  regimen  constituit,  hoc  documento  ostendit,  se  velle  saluti  nostrae  consultum.  Imo  testatus  est,  se  praeesse  et  adesse  suis  velle  usque  in  finem:  sicuti  re  vera  adest  per  suos  ministros.  Significat  ergo  Lucas,  non  prius  abiisse  Christum  quam  ecclesiae  suae  gubernationi  prospexerit.  Unde  sollicitum  esse  de  salute  nostra  colligimus:  atque  hanc  providentiam  diserte  notavit  Paulus  loco  nuper  citato,  quod  impleverit  omnia  constituens  apostolos,  evangelistas,  pastores,  ete.  Caeterum,  mandata  haec,  quae  dedisse  apostolis  Christum  narrat,  interpretor  de  praedicando  evangelio:  quemadmodum  legati,  ne  quidquam  temere,  praeter  eius  a  quo  mittuntur  voluntatem,  tentent,  certis  praeceptis  instrui  solent.  Atque  hoc  totam  positum  est  in  eius  doctrinae  commendationem,  quam  apostoli  pertulerunt.  Quod  ut  clarius  pateat,  singula  ordine  observanda  sunt.  Primum  electos  a  Christo  fuisse  dicit,  ut  eorum  vocatio  nobis  certa  sit  ac  comprobata.  Neque  enim  hoc  loco  meritis  hominum  Dei  electionem  opponit:  sed  tantum  asserit,  divinitus  fuisse  excitatos,  nec  temere  ad  hoc  munus  irrupisse.  Verum  quidem  est  illud,  gratia  esse  electos:  sed  nunc  agitur  de  Lucae  consilio,  quorsum  spectet.  Dico  autem  non  alio  spectare,  quam  ut  certa  nobis  sit  apostolorum  vocatio,  ut  discamus  non  in  homines  respicere,  sed  in  filium  Dei  autorem:  quia  semper  hoc  in  ecclesia  vigere  debet:  ne  quis  sibi  usurpet  honorem.  Secundo  dicit,  Christi  praeceptis  fuisse  edoctos  quidnam  agere  deberent.  Ac  si  diceret,  non  protulisse  sua  commenta,  sed  quod  a  coelesti  magistro  illis  erat  iniunctum  bona  fide  tradidisse.  Et  quo  plus  reverentiae  habeat  quod  illis  praecepit  Christus,  addit  hoc  spiritus  directione  factum.  Non  quod  aliunde  regi  opus  habuerit  filius  Dei,  qui  aeterna  est  sapientia,:  sed  quia  homo  quoque  erat,  ne  quis  putaret  humano  ingenio  tradidisse  apostolis  quod  tradidit,  nominatim  ad  divinam  autoritatem  nos  revocat.  Sicuti  toties  Dominus  ipse  nihil  se  tradere  affirmat  nisi  quod  a  patre  accepit:  ac  proinde  negat  doctrinam  suam  esse  suam.  Significat  itaque  in  evangelii  praedicatione  nihil  esse  humanum:  sed  divinam  esse  spiritus  ordinationem,  cui  subiici  totum  mundum  oporteat.  3.  Quibus  et  se  ipsum  exhibuit  viventem,  postquam  passus  erat,  in  multis  probationibus^  dum  per