47:1  1  CAPUT  I.  1.  In  principio  erat  Sermo,  et  Sermo  erat  apud  Deum,  et  ille  Sermo  erat  Deus.  2.  Hic  erat  in  principio  apud  Deum.  3.  Omnia  per  ipsum  facta  sunt,  et  sine  ipso  factum  est  nihil,  quod  factum  est  4.  In  ipso  vita  erat:  et  vita  erat  lux  hominum.  5.  M  lux  in  tenebris  lucet,  et  tenebrae  eam  non  comprehenderunt.  1.  In  principio  erat  Sermo.  Hoc  exordio  aeternam  Christi  divinitatem  praedicat  :  ut  sciamus  aeternum  esse  Deum,  qui  manifestatus  est  in  carne.  Porro  hic  scopus  est,  generis  humani  instaurationem  fieri  oportuisse  per  Dei  filium  :  quum  eius  virtute  creata  fuerint  omnia,  quum  solus  creaturis  omnibus  vitam  et  vigorem  inspiret,  ut  in  statu  suo  maneant,  ac  praesertim  in  homine  ipso  singulare  ediderit  tam  virtutis,  quam  gratiae  suae  specimen:  adeoque  post  Adae  lapsum  ac  defectionem  non  tamen  destiterit  erga  posteros  liberalis  esse  ac  beneficus.  Atque  haec  doctrina  cognitu  imprimis  necessaria  est.  Nam  quum  extra  Deum  minime  quaerenda  sit  vita  et  salus,  quomodo  in  Christum  recumberet  fides  nostra,  nisi  certo  constitutum  esset  quod  hic  docetur?  Ergo  his  verbis  testatur  evangelista,  nos  ab  unico  et  aeterno  Deo  minime  discedere,  quum  in  Christum  credimus:  deinde  eiusdem  beneficio  vitam  nunc  restitui  mortuis,  qui  natura  adhuc  integra  vitae  fons  et  causa  fuit.  Quod  sermonem  vocat  Dei  filium,  haec  mihi  simplex  videtur  esse  ratio,  quia  primum  aeterna  sit  Dei  sapientia  et  voluntas,  deinde  expressa  consilii  eius  effigies.  Nam  ut  sermo  character  mentis  dicitur  in  hominibus,  ita  non  inepte  transfertur  hoc  quoque  ad  Deum,  ut  per  sermonem  suum  dicatur  nobis  se  ipsum  exprimere.  Aliae  significationes  TOO  Xoyoo  non  ita  conveniunt.  Est  quidem  Graecis  Xoyoc  et  definitio,  et  ratio,  et  supputatio:  sed  nolo  supra  fidei  meae  captum  argute  philosophari.  /  Et  videmus  Dei  spiritum  adeo  eiusmodi  argutias  non  probare,  ut  nobiscum  balbutiens,  quam  sobrie  de  tantis  arcanis  sapiendum  sit,  tacendo  clamet./  Porro  quemadmodum  se  Deus  in  creando  mundo  per  sermonem  istum  patefecit,  ita  Calvini  opera.  Vol.  XLVII.