47:458  Christus,  sed  tantum  sibi  asserere  plenam  in  eum  vitae  et  mortis  potestatem  :  ita  simplex  ac  utilis  per  se  erat  doctrina,  sed  plus  sibi  fabricant  ac  imaginantur  discipuli  quam  dictum  fuerat.  Quare,  ut  tuti  simus  ab  eodem  periculo,  sobrie  sapere  discamus.  Sed  ea  est  humani  ingenii  lascivia,  ut  toto  impetu  in  vanitatem  ruat.  Quo  factum  est,  ut  hic  quoque  error,  a  quo  diserte  evangelista  cavendum  monuerat,  nihilominus  io  mundo  grassatus  sit.  Nam  fabulati  sunt,  quum  sibi  effodi  sepulcrum  iussisset  atque  illuc  descendisset,  vacuum  postridie  repertum  esse.  Quare  videmus  nullum  fore  errandi  finem,  nisi  simpliciter  amplexi  quod  a  Domino  traditum  est,  aliena  omnia  commeDta  repudiemus.  24.  Sic  est  discipulus  ille.  Quia  hactenus  sui  mentionem  sub  tertia  persona  fecerat  Ioannes,  nunc  exprimit  se  illum  esse:  quo  scilicet  plus  ponderis  habeat  testis  oculatus,  et  cui  penitus  comperta  fuerunt  omnia  de  quibus  sermonem  facit.  At  vero  ne  quis  eius  sermonem  suspectum  habeat,  ac  si  ad  gratiam  esset  compositus,  propterea  quod  a  Christo  diligebatur,  hanc  obiectionem  anticipat,  plura  a  se  praeterita  fuisse  dicens  quam  scripta:  nec  de  quibusvis  Christi  actionibus  loquitur,  sed  quae  ad  publicum  eius  munus  spectabant.  Nec  videri  debet  absurda  hyperbole,  quum  ferantur  quae  passim  in  profanis  scriptoribus  occurrunt.  Non  tantum  numerus  operum  Christi  considerandus  est,  sed  pondus  quoque  et  magnitudinem  expendere  convenit.  Divina  illic  Christi  maiestas,  quae  sua  infinitate  non  modo  sensus  hominum,  sed  coelum  et  terram  ut  ita  loquar  exhaurit,  suum  illic  fulgorem  mirabiliter  proferebat.  In  eum  si  evangelista  oculos  coniiciens  attonitus  exclamat,  iustam  narrationem  ne  a  toto  quidem  mundo  capi  posse,  quis  miretur?  Deinde  minime  reprehendendus  est,  si  trita  receptaque  figura  ad  commendandam  operum  Christi  excellentiam  utitur.  Scimus  enim  ut  se  ad  communem  loquendi  modum  accommodet  Deus  ruditatis  nostrae  causa,  imo  interdum  quodammodo  balbutiat.  Interea  tenendum  memoria  est  quod  prius  habuimus,  quam  evangelistae  summam  literis  complexi  sunt  tum  ad  instituendam  fidem,  tum  ad  salutem  conferendam  sufficere.  Satis  ergo  superque  sapiet,  quisque  rite  sub  iis  magistris  profecerit..*  Et  certe  quum  divinitus  nobis  ordinati  fuerint  testes,  sicuti  fideliter  defuncti  sunt  suis  partibus,  ita  nostrum  e��t,  vicissim  ab  eorum  testimonio  totos  pendere/nec  plus  -  appetere  quam  ab  illis  proditum  est,  praesertim  quum  eorum  calami  certa  Dei  providentia  gubernati  fuerint,  ne  immodica  rerum  congerie  nos  onerarent,  et  tamen  delectu  habito  traderent,  quantum  expedire  noverat,  qui  solus  sapiens  est  et  fons  unicus  sapientiae,  Deus:  cui  laus  et  gloria  in  perpetuum.  Amen.