47:4  4  aeterna  illius  essentia  amplius  moveamus  controversiam  ?  2.  Hic  erat  in  principio.  Ut  praedicta  mentibus  nostris  altius  infigat  evangelista,  duo  illa  superiora  membra  in  brevem  epilogum  colligit,  quod  fuerit  semper,  et  quidem  apud  Deum:  ut  principium  intelligas  omni  tempore  superius.  3.  Omnia  per  ipsum.  Ubi  sermonem  esse  Deum  asseruit  et  aeternam  eius  essentiam  praedicavit,  nunc  ab  operibus  divinitatem  eius  probat.  Atque  haec  practica  est  notitia,  ad  quam  nos  praecipue  assuefieri  convenit.  Frigebit  enim  apud  nos  nudum  Dei  nomen  Christo  attributum,  nisi  talem  re  ipsa  fides  nostra  eum  sentiat.  Apte  autem  praedicat  de  filio  Dei  quod  in  eius  personam  proprie  competit.  Interdum  quidem  simpliciter  dicit  Paulus,  omnia  per  Deum  esse,  Rom.  11  v.  36.  Sed  quoties  comparatur  filius  cum  patre,  hac  nota  distingui  solet.  Quare  hic  mos  loquendi  usitatus  est,  patrem  omnia  fecisse  per  filium,  et  a  Deo  per  eundem  filium  omnia  esse.  Huc  autem  spectat  evangelistae  consilium  (sicut  dixi),  quod  statim  ab  ipsa  mundi  creatione  sermo  Dei  in  externum  actum  prodierit.  Nam  quum  in  sua  essentia  prius  esset  incomprehensibilis,  tunc  eius  vis  effectu  palam  luit  cognita.  Quidam  etiam  ex  philosophis  Deum  ita  constituunt  mundi  architectum,  ut  mentem  illi  in  condendo  hoc  opificio  adiungant.  Id  quidem  recte,  quia  congruenter  cum  scriptura  :  sed  quia  mox  in  frivolis  cogitationibus  evanescunt,  non  est  cur  eorum  testimonia  cupide  appetamus:  quin  potius  coelesti  hoc  oracula  conteoti,  plus  multo  dici  sciamus,  quam  mens  nostra  concipiat.  Et  sine  ipso  factum  est  nihil  quod,  ete.  Tametsi  varie  hic  locus  legitur,  ego  tamen  citra  controversiam  uno  contextu  ita  lego:  Factum  est  nihil  quod  factum  est.  Atque  in  eo  consentiunt  omnes  fere  graeci  codices,  saltem  magis  probatae  autoritatis.  Deinde  sensus  omnino  ita  postulat.  Qui  particulam  istam,  Quod  factum  est,  disiungunt  a  superiori  oratione,  ut  ad  sequentem  sententiam  annectant,  eoactmn  sensum  adducunt:  Quod  factum  est,  in  ipso  erat  vita,  hoc  est,  vivebat  aut  in  vita  sustinebatur.  Sed  hunc  loquendi  modum  nusquam  creaturis  attribui  ostendent.  Augustinus  more  suo  nimium  platonicus  ad  ideas  rapitur:  quod  Deus  antequam  mundum  conderet,  formam  totius  opificii  in  mente  sua  conceptam  habuerit:  atque  ita  vita  eorum  quae  nondum  exstabant,  in  Christo  fuerit,  quia  in  eo  ordinata  erat  mundi  creatio.  Sed  quam  istud  sit  a  mente  evangelistae  longe  remotum,  mox  videbimus.  Nunc  ad  prius  membrum  redeo.  Non  est  vitiosa  haec  TiepmoXoyioiy  ut  in  speciem  videtur.  Quia  enim  nihil  non  molitur  Satan,  ut  Christo  aliquid  detrahat,  nominatim  testari  voluit  evangelista,,  eorum  quae  facta  sunt  nihil  penitus  excipi.