46:1 1 SERMONS SUR L'HARMONIE DES TROIS EVANGELISTES S. MATTHIEU, S. LUC ET S. MARC. PREMIER SERMON. LUC. Ch. I. 1. Pource que plusieurs se sont appliquee a mettre par ordre un recit des choses qui ont este entierement certifiees entre nous, 2. Comme nous ont baille a cognoistre ceux qui des le commencement les ont eux-mesmes veues, et ont este ministres de la parole: 3. Il m'a aussi semble bon, apres avoir tout comprins des le commencement iusques au bout, tresexcellent Theophile, que ie sen escrive par ordre: 4. Afin que tu cognoisses la certainete des choses desquelles tu as este instruict. Nous scavons, comme nostre Seigneur Iesus Christ a este ordonne chef de son Eglise, et Sauveur des hommes devant la creation du monde, qu'aussi il a este promis de tout temps. Et les saincts Peres, qui se sont attendus a sa venue, ont este declarez enfans de Dieu, pour parvenir a la vie celeste : mais cependant l'Evangile a este differe iusques a ce que le Fils de Dieu foit apparu. Et voyla pourquoy il est dit, qu'a sa venue il a este revele, et qu'auparavant il avoit eu tesmoignage de la Loy et des Prophetes. Notons bien donc, que combien que la foy que nous avons auiourd'huy, nous foit commune avec les Peres anciens, si est-ce que nous differons en degre. Car ils ont attendu nostre Seigneur Iesus Christ: mais cependant ils n'en ont point eu pleine manifestation. Ie ne di pas seulement quant a sa personne, mais aussi quant a sa vertu, quant a son efficace, et quant a toutes les graces, et les biens qu'il nous a apportez. Aussi le mot d'Evangile emporte un message de ioye, pour exprimer que nous avons de quoy nous contenter, et estre a repos quand Iesus Christ nous est declare. Car en luy nous avons tout ce que nous pouvons desirer de bien pour nostre salut. Calvini opera. Vol. XLVI.