46:956  pas  en  nous  de  pouvoir  parvenir  si  haut  (veu  qu'a  grand'  peine  pouvons  nous  ramper  sur  la  terre)  sinon  -que  de  son  coste  il  approchast  de  nous,  et  que  desia  il  s'en  fust  approche  en  sa  naissance,  quand  il  a  vestu  nostre  chair  et  qu'il  s'est  fait  nostre  frere.  Nous  ne  pourrions  donc  maintenant  avoir  nostre  refuge  a  nostre  Seigneur  Iesus  Christ  estant  assis  a  la  dextre  de  Dieu  son  Pere,  en  la  gloire  des  cieux,  sinon  qu'il  se  fust  abbaisse  iusques  la  de  se  faire  homme  mortel,  et  avoir  une  condition  commjune.  avec  nous.  Et  voyla  pourquoy  aussi,  quand  il  est  appele  Mediateur  entre  Dieu  et  les  hommes,  ce  titre  d'homme  luy  est  specialement  attribue:  comme  aussi  par  une  mesme  raison  il  est  appele  Emmanuel,  c'est  a  dire  Dieu  avec  nous.  Ainsi  toutesfois  et  quantes  que  nous  avons  a  chercher  nostre  Seigneur  Iesus  Christ,  pour  trouver  en  luy  allegement  de  toutes  nos  miseres,  et  une  protection  seure  et  infalible,  il  nous  faut  commencer  par  sa  naissance.  Or  non  seulement  il  nous  est  yci  recite  qu'il  a  este  fait  homme  semblable  a  nous,  mais  qu'il  s'est  tellement  aneanti  qu'a  grand'  peine  a-il  este  repute  du  rang  des  hommes.  Il  a  este  comme  banni  de  tout  logis  et  compagnie,  il  n'y  a  eu  sinon  une  estable  et  une  creche  pour  le  recevoir.  Puis  qu'ainsi  est  donc,  qu'yci  nous  cognoissions  comme  Dieu  a  desploye  les  thresors  infinis  de  sa  bonte,  quand  il  a  voulu  que  son  Fils  fust  ainsi  humilie  pour  nous.  Recognoissons  aussi  comme  nostre  Seigneur  Iesus  Christ  des  sa  naissance  a  tellement  souffert  pour  nous  que  toutesfois  et  quantes  que  nous  le  cherchons,  il  ne  faut  point  que  nous  facions  des  longs  circuits  pour  le  trouver,  ne  pour  estre  vrayement  unis  a  luy.  Car  pour  ceste  cause  il  a  voulu  s'assuietir  a  tout  opprobre,  en  sorte  qu'il  a  este  comme  reiette  du  reste  des  hommes.  Mais  cependant  apprenons  aussi  d'estre  petis  pour  estre  receus  de  luy:  car  c'est  bien  raison  pour  le  moins  qu'il  y  ait  conformite  entre  le  chef  et  les  membres.  Il  ne  faut  point  que  les  hommes  s'aneantissent  pour  estre  de  nulle  valeur:  car  de  nature  desia  ils  trou-