46:954  en  ce  sacrifice  qui  a  este  presente  pour  nostre  redemption.  Il  est  vray  que  nous  ne  devorons  pas  Iesus  Christ  en  sa  chair,  il  n'entre  pas  sous  nos  dents,  comme  les  Papistes  ont  imagine:  mais  nous  recevons  du  pain  pour  un  gage  certain  et  infalible  que  nostre  Seigneur  Iesus  nous  repaist  spirituellement  de  son  corps:  nous  recevons  une  goutte  de  vin  pour  monstrer  que  nous  sommes  spirituellement  sustantez  du  sang  de  nostre  Seigneur  Iesus  Christ.  Mais  notons  quant  et  quant  ce  que  S.  Paul  adiouste,  que  d'autant  que  sous  les  figures  de  la  Loy  il  n'estoit  pas  licite  de  manger  du  pain  leve  et  dont  la  paste  eust  este  aigre,  maintenant  que  nous  ne  sommes  plus  sous  telles  ombres,  il  nous  faut  reietter  le  levain  de  malice,  de  perversite  et  de  toutes  nos  corruptions,  et  que  nous  ayons  du  pain,  ou  du  gasteau  (dit-il)  qui  n'ait  nulle  aigreur  en  soy.  Et  comment?  En  purete  et  en  droiture.  Quand  donc  nous  venons  approcher  de  ceste  saincte  table,  en  laquelle  1Q  Fils  de  Dieu  nous  monstre  qu'il  est  nostre  viande,  qu'il  se  donne  a  nous  pour  plene  refection  et  entiere,  et  qu'il  veut  que  maintenant  nous  participions  au  Sacrifice  qu'il  a  une  fois  offert  pour  nostre  salut,  il  nous  faut  bien  regarder  que  nous  n'apportions  point  yci  nos  ordures  ni  nos  pollutions  pour  estre  plongez  dedans,  mais  que  nous  y  renoncions,  et  ne  cherchions  sinon  d'estre*  plenement  purifiez,  afin  que  nostre  Seigneur  Iesus  nous  avoue  pour  membres  de  son  corps,  et  que  par  ce  moyen  aussi  nous  soyons  participans  de  sa  vie.  Voyla  comme  auiourd'huy  il  nous  faut  faire  nostre  profit  de  ceste  saincte  Cene  qui  nous  est  apprestee:  c'est  qu'elle  nous  conduise  a  la  mort  et  passion  de  nostre  Seigneur  Iesus  Christ,  et  puis  a  sa  resurrection,  et  que  la  nous  ayons  fiance  de  vie  et  de  salut,  d'autant  que  par  la  victoire  qu'il  a  obtenue  en  ressuscitant  la  iustice  nous  est  donnee,  et  la  porte  de  paradis  nous  a  este  ouverte,  tellement  que  nous  pouvons  hardiment  approcher  de  nostre  Dieu,  et  nous  offrir  devant  luy,  scachans  que  tousiours  il  nous  recevera  comme  ses  enfans.  Or  nous-nous  prosternerons  devant  la  maieste  de  nostre  bon  Dieu,  etc.