46:2  2  Il  est  vray  que  les  saincts  Patriarches,  Rois,  et  Prophetes,  et  tous  autres  fideles  ont  bien  este  participans  de  nostre  Seigneur  Iesus  Christ,  comme  nous  avons  touche:  mais  si  est-ce  qu'ils  n'ont  point  eu  l'Evangile:  car  ils  ont  este  tenus  sous  les  ombrages  et  figures,  qui  les  tenoyent  comme  en  suspens.  Or  en  la  personne  du  Fils  de  Dieu  nous  avons  la  substance  et  la  verite  de  toutes  les  choses  qui  avoyent  este  auparavant  promises.  Car  d'autant  que  la  foy  que  nous  avons  en  Iesus  Christ,  est  fondee  sur  ce  qu'il  a  prins  chair  humaine,  a  fin  de  se  faire  semblable  a  nous  excepte  peche,  et  de  nous  unir  a  luy  comme  ses  freres:  qu'elle  est  d'avantage  fondee  sur  sa  mort,  qui  est  le  sacrifice  par  lequel  nous  sommes  reconciliez  a  Dieu:  qu'elle  est  fondee  sur  sa  resurrection,  la  ou  nous  avons  tesmoignage  qu'il  a  eu  victoire  par  dessus  le  diable,  le  peche,  et  la  mort,  et  nous  a  acquis  iustice  et  puis  que  sur  ce  il  est  monte  au  ciel,  pour  nous  y  faire  ouverture,  veu  qu'auparavant  nous  en  estions  bannis:  et  que  maintenant  il  regne  en  gloire,  et  ha  l'empire  souverain  sur  toutes  creatures:  d'autant  donc  que  nostre  foy  est  fondee  la  dessus,  voyla  pourquoy  ce  mot  d'Evangile  s'applique  yci  a  l'histoire  que  nous  avons,  que  ie  Fils  de  Dieu  nous  est  apparu,  et  qu'il  a  vestu  nostre  infirmite,  afin  d'avoir  pitie  et  compassion  de  nous  afin  de  faire  office  de  Mediateur:  qu'il  a  converse  en*ce  monde  annoncant  la  volonte  de  Dieu  son  Pere,  et  qu'en  cela  il  nous  declare  qu'il  est  le  chef  et  le  capitaine  de  tous  les  Prophetes:  et  puis  qu'il  est  le  Sacrificateur  unique,  quand  il  a  offert  un  sacrifice  qui  sur  tous  a  este  agreable  a  Dieu,  qu'il  a  espandu  son  sang  pour  nous  purger  de  toutes  nos  macules.  D'autant  donc  qu'en  cela  nous  cognoissons  comme  nous  pouvons  fonder  en  Iesus  Christ  l'esperance  et  la  certitude  de  nostre  salut,  toutes  les  choses  qu'il  1