42:1  1  SERMON  XXXIY  sur  le  Chap.  XI.  v.  3.5.  Ici  l'ange  monstre  a  Daniel  quand  Dieu  aura  maintenu  le  royaume  des  Perses,  que  en  la  fin  il  ordonnera  qu'une  autre  monarchie  succede.  Or  desia  il  ha  esto  parle  de  quatre  successions,  qu'il  j  devoit  avoir  trois  roys  en  Perse,  voire,  signifiant  que  l'estat  demoureroit  en  son  entier,  et  que  le  quatrieme  roy  esmouveroit  des  troubles,  qui  seroient  cause  que  cette  grande  principaute  s'en  iroit  en  diminuant,  et  en  la  fin  qu'elle  tomberoit  du  tout.  Or  cela  n'a  pas  este  fait  si  tost,  car  apres  la  desconfiture  du  roy  Xerces,  apres  mesmes  qu'il  fust  occis  (estant  retourne)  encores  le  royaume  demoura,  mais  si  est  ce  qu'il  y  avoit  desia  une  grande  disposition  au  changement.  Ainsi  donc  l'ange  se  contente  d'avoir  declare  a  Daniel,  que  le  feu  sera  allume  par  Xerces,  et  puis  en  la  fin  il  faudra  que  le  royaume  de  Perse  perisse,  et  que  l'autre  monarchie,  de  laquelle  il  ha  este  fait  mention  ci  dessus,  entre  en  sa  place,  c'est  a  scavoir  celle  qui  est  nommee  des  Grecs,  car  Alexandre  le  grand  voulant  faire  guerre  contre  le  roy  de  Perse,  ne  vint  pas  plainement  en  son  nom,  mais  il  se  feist  creer  capitaine  de  toute  la  Grece,  excepte  des  Lacedemoniens  qui  n'y  voulurent  point  consentir,  mais  de  tout  le  reste  des  cites  et  villes  franches  de  Grece,  de  toutes  les  republiques  (qu'on  appele)  il  fust  ordonne  capitaine.  Et  voila  pourquoy  l'ange  parlant  a  Daniel  dit,  que  ce  sera  le  roy  de  Iamen  qui  viendra,  car  c'est  le  nom  commun  dont  usent  les  Ebrieux,  et  c'est  encores  une  approbation  de  ce  que  recite  Moyse,  quand  il  monstre  comme  le  monde  a  este  rempli,  que  ce  nom  la  ha  este  receu  au  pays  de  Grece,  a  scavoir  Iuavem,  dont  vient  Icome,  et  puis  il  le  nomme  roy  de  Scitin,  dont  on  pense  aussi  que  le  nom  de  Macedon  soit  venu.  Or  quant  a  nous,  nous  ne  pouvons  voir  la  raison  pourquoy  Alexandre  le  grand  est  ainsi  intitule,  d'autant  qu'il  ne  faisoit  point  la  guerre  en  son  nom,  comme  roy  de  Calvini  opera.  Vol.  XLII.