42:3  3  SERMON  XXXIV.  qu'il  fust  enflamme  d'un  terrible  courage,  ne  doutant  point  qu'il  ne  deust  faire  (quasi  en  dormant)  tout  ce  qu'il  avoit  consulte  en  sa  teste,  non  pas  que  rien  se  feist  de  sa  propre  vertu,  mais  Dieu  l'avoit  ainsi  ordonne.  Ainsi  donc  l'ange  ameine  ici  Daniel  a  une  consideration  de  la  providence  de  Dieu,  comme  s'il  disoit,  cependant  que  Dieu  voudra  maintenir  le  royaume  de  Perse  il  demourera  en  son  estat,  mais  quand  il  le  voudra  changer,  il  n'y  aura  rien  qui  l'empesche,  quand  on  auroit  tout  le  monde  pour  y  resister,  si  faudra  il  que  le  conseil  de  Dieu  s'accomplisse,  et  qu'il  s'execute.  Ainsi  donc  ne  regardes  point  a  ce  qui  est  vray  semblable  selon  les  hommes,  et  que  les  fideles  qui  viendront  apres  toy,  ne  s'arrestent  point  a  l'apparence,  mais  puis  que  Dieu  Ta  ainsi  prononce,  qu'il  s'accomplira,  que  la  chose  sera  faitte,  et  que  l'execution  viendra.  Ne  mesures  point  donc  ce  que  ie  vous  declare  maintenant  a  la  facon  des  hommes,  n'estimes  point  selon  les  moiens  inferieurs  qu'il  en  aviendra,  ainsi  ou  autrement,  mais  conclues  puis  que  Dieu  le  veut  qu'il  faut  qu'il  soit  fait,  et  c'est  cette  escriture  de  verite,  dont  il  ha  este  fait  mention  ci  dessus,  que  puis  que  cela  estoit  enregistre  devant  Dieu,  qu'il  falloit  qu'il  en  avint  ainsi,  car  Dieu  ne  prevoit  pas  seulement  les  choses  avenir,  mais  il  les  ha  en  sa  main,  c'est  luy  qui  en  ordonne,  il  ne  faut  point  donc  disputer  la  dessus,  quelle  en  sera  l'issue,  mais  il  se  faut  resoudre,  que  le  conseil  de  Dieu  est  infallible.  Or  il  faut  maintenant  que  nous  poursuivions  l'histoire.  Ce  roy  ici  fera  selon  sa  volonte,  et  comment?  Voila  le  dernier  roy  de  Perse  qui  dominoit  en  toute  l'Asie  mineur  (qu'on  appele)  et  depuis  la  grande  Asie,  il  avoit  depuis  l'Asie  mineur  iusques  aux  isles,  et  puis  le  pays  d'Egypte,  il  tenoit  les  isles  de  la  mer  Mediterranee,  qui  est  entre  deux,  bref  c'estoit  un  monde  que  ce  pays  la.  Or  Alexandre  gaigne  tout,  a  il  tout  gaigne?  il  ne  se  contante  point,  car  il  ploroit,  mesmes  quand  on  luy  disoit  qu'il  y  avoit  plusieurs  mondes,  et  qu'il  n'estoit  point  encores  venu  a  bout  d'un  seul,  il  se  lamentoit,  helas!  et  n'y  pourrai  ie  iamais  parvenir?  Il  falloit  bien  qu'il  y  eust  un  terrible  feu  allume  en  son  coeur  de  cette  ambition  de  dire,  quand  ie  serai  maistre  de  tout  le  monde,  cela  ne  me  suffist  point.  Ainsi  donc  quand  il  ha  gaigne  tous  les  pays  du  roy  Darius,  cela  ne  luy  est  encores  rien,  il  va  tousiours  plus  outre,  et  veut  mesmes  surmonter  nature,  qu'il  bataille  contre  la  mer,  et  (comme  i'ai  dit)  il  ne  se  faut  point  esbahir,  si  en  ce  monde  il  faisoit  de  telles  entreprinses,  car  il  s'eust  bien  voulu  forger  des  mondes  nouveaux  (s'il  luy  eust  este  possible)  pour  acquerir  des  victoires  plus  grandes,  et  cette  fierte  la  estoit  en  luy  des  son  enfance,  qu'il  falloit  bien  qu'il  y  eust  un  terrible  orgueil,  qu'il  estoit  mesmes  ialoux