42:2  2  Macedone,  mais  aiant  l'aveu  de  toutes  les  cites  et  villes  franches  de  Grece.  Or  notamment  l'ange  dit  que  ce  roy  ici  fera  selon  sa  volonte,  non  pas  qu'Alexandre  soit  venu  a  bout  de  son  entreprinse  par  sa  vertu,  car  quand  Dieu  declare  ici  tout  ce  qui  adviendra,  il  monstre  bien  que  la  conduite  est  en  sa  main  (comme  aussi  desia  nous  avons  declare)  et  que  signifie  donc  ce  mot,  qu'Alexandre  fera  selon  sa  volonte?  c'est  pour  mieux  exprimer,  qu'outre  l'opinion  des  hommes  il  prosperera  comme  s'il  avoit  la  fortune  en  sa  manche  (ainsi  qu'on  dit).  Les  hommes  ne  comprennent  pas  la  providence  de  Dieu,  car  ce  leur  est  une  chose  trop  haute  et  trop  cachee.  Ainsi  donc  quand  il  avient  de  grandes  mutations,  et  lesquelles  iamais  ils  n'eussent  espere,  ils  pensent,  voila  un  homme  qui  fait  tout  ce  qu'il  veut,  tout  ce  qu'il  entreprend,  il  en  vient  a  bout.  Voila  comme  on  parle,  l'ange  donc  voulant  exprimer  que  Dieu  besongneroit  tellement  en  la  personne  d'Alexandre  le  grand  qu'il  y  auroit  des  choses  incroiables,  ii  dit,  qu'il  fera  selon  sa  volonte,  car  de  fait  nous  avons  veu  par  ci-devant  qu'il  voloit  plustost  qu'il  ne  marchoit,  s'il  eust  eu  affaire  seulement  les  voyages  qu'il  ha  faits,  en  domptant  les  peuples  et  les  roys,  lesquels  ii  ha  subiugues,  ce  seroit  beaucoup,  mais  menant  armee  et  compagnie  si  grande  apres  soy,  aiant  des  voyages  si  difficiles  que  rien  plus,  aiant  tous  peuples  ennemis,  aiant  les  passages  fermes,  et  si  grande  resistance,  si  est  ce  qu'il  semble  qu'il  coure  la  poste.  Ainsi  donc  nous  voions  pourquoy  ici  notamment  il  est  dit,  que  le  roy  fera  selon  sa  volonte,  et  pour  mieux  comprendre  cela,  voions  quelle  entreprinse  c'estoit  d'entrer  au  pays  d'Asie,  et  de  passer  la  mer  avec  trente  mille  hommes,  il  semble  bien  qu'il  doive  la  demourer  confus,  car  celuy  contre  lequel  il  entreprend  la  guerre,  luy  pouvoit  amener  quatre  fois  autant  de  gents  au  devant,  sous  la  conduite  de  quelque  capitaine,  comme  aussi  il  en  avint,  car  on  vint  a  l'encontre  de  luy  avec  trois  cents  mille  hommes,  et  toutesfois  il  ne  laisse  pas  de  passer  avec  trente  mille  hommes  et  demourer  victorieux,  il  falloit  bien  donc  qu'il  y  eust  un  coeur  de  lyon,  1