42:174  a  ce  que  vous  soies  desveloppes  de  vostre  chair,  et  de  ce  corps  mortel,  auquel  vous  habites  maintenant.  Il  est  vray  que  nous  devons  bien  desirer  que  Dieu  augmente  de  plus  en  plus  en  nous  la  connoissance  de  sa  verite,  mais  si  faut-il  que  nous  demourions  la  quoys,  c'est  a  dire,  que  nous  n'aions  point  un  esprit  bouillant,  pour  appeter  et  attenter  les  choses  qui  nous  doivent  estre  incongneues,  tant  que  nous  serons  en  ce  monde.  En  la  fin  il  est  dit  a  Daniel,  Reposetoy  iusqu'a  ce  qu'en  la  fin  tu  te  relieves  en  ton  sort,  voire  en  la  fin  des  iours.  Voici  un  tesmoignage  de  la  resurrection:  combien  que  nous  soions  consommes  en  terre,  ne  doutons  point  que  Dieu  ne  nous  retire  a  soy  en  la  fin  des  iours,  c'est  a  dire,  combien  que  nous  soions  pourris  et  mis  en  cendres,  que  neantmoins  la  gloire  du  ciel  ne  nous  peut  faillir,  que  Iesus  Christ  n'est  point  monte  la  haut  en  vain,  mais  c'est  a  fin  qu'il  nous  y  attire  apres  luy.  Voila  donc  comme  en  ce  qui  est  dit  a  Daniel,  nous  pouvons  recueillir  une  esperance  de  la  vie  eternelle,  et  de  cette  resurrection  que  nous  attendons:  cheminons  donc  hardiement  apres  nostre  chef  et  capitaine,  nostre  Seigneur  Iesus  Christ,  et  ne  doutons  pas  qu'en  la  fin  il  ne  nous  face  participans  de  sa  gloire,  et  de  cet  estat  de  perfection,  auquel  il  nous  ha  precedes.  Suivant  cette  saincte  doctrine,  nous  nous  prosternerons  devant  la  face  de  nostre  bon  Dieu,  etc.