41:5  5  IN  DANIELEM.  CAP.  VI.  Neque  enim  dubium  est,  quin  sciverint  Danielem  esse  pium  hominem,  et  probari  Deo.  Ergo  ubi  insidiantur  sancto  prophetae,  quasi  data  opera  bellum  cum  Deo  ipso  gerunt:  sed  excaecati  sunt  perverso  illo  affectu  invidiae.  Unde  autem  invidia?  nempe  ex  ambitione.  Sic  videmus  deterrimam  esse  pestem  ambitionem  ex  qua  nascitur  invidia,  quum  ex  hac  rursus  oriatur  et  perfidia  ec  crudelitas.  Caeterum  suo  exemplo  etiam  nos  admonet  Daniel,  studendum  esse  integritati,  ut  tollatur  occasio  malevolis  et  improbis,  qui  eam  captant.  Nulla  igitur  melior  nobis  erit  defensio  contra  invidos  et  calumniatores,  quam  si  recte  et  innoxie  nos  geramus.  Utcunque  enim  undique  nobis  tendant  insidias,  nihil  proficient:  quia  innocentia  nostra  erit  instar  clypei  ad  repellendam  eorum  malitiam.  Interea  tamen  videmus  Danielem  non  fuisse  elapsum  prorsus:  quoniam  praetextus  in  alia  re  quaesitus  fuit  contra  ipsum,  nempe  in  cultu  Dei.  Sed  hinc  rursum  discamus,  pluris  debere  a  nobis  fieri  pietatem  et  eius  studium,  quam  propriam  vitam.  Daniel  fidelis  et  integer  fuit  in  sua  administratione,  functus  est  officio  suo  ut  clauderet  os  suis  hostibus  ac  malevolis.  Ergo  integritas,  quemadmodum  dixi  optimus  est  clypeus.  Rursus  Daniel  periclitatus  est,  quia  non  destitit  a  sincero  Dei  cultu  et  eius  professione.  Ergo  fortiter  subeunda  sunt  nobis  pericula,  quoties  agetur  de  Dei  cultu.  Neque  enim  pretiosior  nobis  vita  baec  caduca  esse  debet,  quam  res  omnium  sanctissima,  nempe  ut  Deo  maneat  illibatus  honor.  Videmus  ergo  hic  nos  ad  colendam  integritatem  institui  ab  una  parte:  quoniam  non  poterimus  magis  securi  esse,  quam  si  muniti  simus  bona  conscientia  :  quemadmodum  etiam  Petrus  priore  epistola  (3,  16)  hac  ratione  nos  hortatur.  Iam  quidquid  metuamus,  et  qualiscunque  nos  eventus  maneat,  etiam  si  centum  mortes  nobis  occurrant,  deficere  tamen  fas  non  est  a  puro  Dei  cultu:  quia  non  dubitavit  Daniel  mortem  obire,  et  ingredi  speluncam  leonum,  ut  profiteretur  se  Deum  Israelis  colere.  Iam  quod  proceres  perrumpunt  ad  barbarum  hoc  et  crudele  consilium,  nempe  ut  Danielem  opprimant  religionis  praetextu,  hinc  rursum  colligimus,  quam  caeca  sit  rabies,  ubi  mentes  hominum  occupat  ambitio  et  invidia.  Nam  susque  deque  illis  est,  cum  Deo  manus  conserere.  Non  enim  Danielem  aggrediuntur  tanquam  hominem  sed  prosiliunt  ad  insanum  et  sacrilegum  certamen,  ubi  volunt  exstinguere  cultum  Dei,  ut  cupiditati  suae  morem  gerant.  Ideo  dixi  hoc  exemplo  nos  moneri,  quantopere  cavenda  sit  et  fugienda  ambitio,  et  quae  ex  ea  etiam  oritur  invidia.  Quale  autem  fuerit  crimen  in  lege  Dei,  postea  sequitur,  6.  Tunc  satrapae  et  provinciarum  praesides  illi  sociati  sunt  (nam  t#;n  significat  proprie  se  coniungere  et  sociare)  apud  regem  (hoc  est,  conspiratione