[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


41:2  2  dum  interitum  regi  Beltsazar.  Nisi  enim  rumor  hic  delatus  esset  ad  Darium,  nunquam  tantum  autoritatis  adeptus  apud  ipsum  foret  Daniel.  Habebat  enim  in  suo  exercitu  quamplurimos:  et  scimus  ubi  quis  victor  est  in  bello  circumdari  multis  famelicis,  quia  omnes  volunt  consortes  esse  praedae.  Nunquam  igitur  sumpsisset  sibi  hominem  exterum  Darius  et  captivum,  quem  ornaret  tanto  honore  et  potentia,  nisi  intellexisset  fuisse  certum  Dei  prophetam,  et  simul  praeconem  in  denuntiando  monarchiae  babylonicae  interitu.  Et  hinc  colligimus,  divinitus  etiam  fuisse  factum,  ut  esset  inter  primos  satrapas,  atque  adeo  tertius  in  regno,  quo  citius  innotesceret  regi  Dario.  Nam  si  deiectus  fuisset  Daniel  a  rege  Beltsazar,  latuisset  domi  suae:  ubi  autem  videt  illum  regiis  insignibus  fulgere,  inquirit  quisnam  sit.  Audit  qua  ratione  pervenerit  ad  tantum  honorem:  ita  agnoscit  esse  Dei  prophetam,  et  constituit  unum  ex  tribus  praefectis.  Hic  ergo  nobis  iterum  proponitur  Dei  providentia,  qua  non  tantum  servavit  servum  suum  incolumem,  sed  prospexit  totius  ecclesiae  saluti,  ne  scilicet  Iudaei  in  illa  mutatione  magis  ac  magis  premerentur.  Sed  postea  subiicitur  tentatio,  qua  et  sanctus  vir  potuit  percelli,  et  totus  etiam  populus.  Dicit  enim  propheta,  3.  Tunc  Daniel  ipse  fuit  superior  (nam  nstt  significat  superare:  fuit  igitur  superior,  vel,  excellentior,  uno  verbo)  supra  satrapas  et  praesides  provinciarum:  propterea  quod  spiritus  amplior  (vel,  praestantior)  in  ipso  (erat):  et  rex  cogitabat  eum  erigere  super  totum  regnum.  4.  Tunc  satrapae  et  praesides  provinciarum  quaesierunt  occasionem  invenire  contra  Danielem  a  parte  regni  (hoc  est,  in  administratione  eius)  et  omnem  occasionem  (hoc  est,  nullam  occasionem)  et  nullum  crimen  potuerunt  invenire:  quia  verax  (aut,  fidelis,  aut,  integer)  ipse  (hoc  est,  quia  fidelis  ipse  erat)  et  nulla  culpa,  et  nullum  crimen  (repetit  secundo  nomen  illud  nnTW  nullum  ergo  crimen)  inveniebatur  in  ipso.  5.  Tunc  viri  illi  dixerunt.  Non  inveniemus  in  hoc  Daniele  ullam  occasionem,  nisi  inveniamus  in  ipso  ob  legem  Dei  sui.  1   

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci