4:3  3  INSTITUTION  CHRESTIENNE.  est  offerte  par  l'Evangile:  1a  raison  nous  induit  a,  monter  plus  haut,  pour  nous  enquerir  de  la  vertu  et  operation  secrette  du  sainct  Esprit,  laquelle  est  cause  que  nous  iouissons  de  Christ  et  de  tous  ses  biens.  I'ay  traitte  assez  amplement  cy  dessus  de  la  deite  et  essence  eternelle  du  sainct  Esprit:  1)  ainsi  que  les  lecteurs  se  contentent  d'avoir  cest  article  suyvant  declaire  pour  ceste  heure:  c'est  que  Iesus  Christ  est  tellement  venu  en  eau  et  en  sang1,  que  l'Esprit  aussi  testifie  quant  et  quant  de  luy,  afin  que  le  salut  qu'il  nous  a  acquis  ne  s'escoule  point  pour  ne  nous  profiter  de  rien.  Car  comme  sainct  Iean  nous  allegue  trois  tesmoins  au  ciel,  le  Pere,  la  Parolle,  et  l'Esprit:  aussi  il  en  produit  trois  en  terre,  l'eau,  le  sang,  et  l'Esprit  (1  Iean  5,  7.  8).  Et  ce  n'est  point  en  vain  que  le  tesmoignage  de  l'Esprit  est  reitere,  lequel  nous  sentons  estre  engrave  en  nos  coeurs  au  lieu  de  seau:  voire  pour  seeller  le  lavement  et  le  sacrifice  qui  sont  a  la  mort  du  Fils  de  Dieu.  Pour  laquelle  raison  aussi  sainct  Pierre  dit,  que  les  fideles  sont  eleuz  par  fa  sanctification  de  l'Esprit,  en  l'obeissance  et  aspersion  du  aang  de  Christ  (1  Pierre  1,  2).  Par  lesquels2)  mots  il  nous  declaire  que  nos  ames  sont  purgees  par  l'arrousement  incomprehensible  de  l'Esprit,  du  sacre  sang  qui  a  este  espandu  une  fois:  afin  que  cela  n'ait  este  fait  en  vain.  Et  c'est  aussi  pourquoy  sainct  Paul,  traittant  de  nostre  purgation  et  iustice,  dit  (1  Cor.  6,  ll)  que  nous  obtenons  tous  les  deux  au  nom  de  Iesus  Christ  et  en  l'Esprit  de  nostre  Dieu.  La  somme  revient  la,  que  le  sainct  Esprit  est  comme  le  lien  par  lequel  le  Fils  de  Dieu  nous  unit  a  soy  avec  efficace.  A  quoy  se  rapporte  tout  ce  que  nous  avons  deduit  au  livre  precedent,  de  son  onction.  2.  Mais  afin  que  cecy,  selon  qu'il  est  singulierement  digne  d'estre  cogneu  soit  mieux  liquide,  sachons  que  Iesus  Christ  est  venu  rempli  du  sainct  Esprit  d'une  facon  speciale  :  assavoir  pour  nous  separer  du  monde,  et  nous  recueillir  en  l'esperance  de  l'heritage  eternel.  Et  c'est  pourquoy  il  est  nomme  l'Esprit  de  sanctification:  pource  que  non  seulement  il  nous  donne  vigueur,  et  nous  entretient  de  sa  vertu  generale  qu'on  appercoit  tant  en  tout  le  genre  humain  qu'aux  autres  animaux:  mais  il  nous  est  racine  et  semence  de  la  vie  celeste.  Et  pourtant  les  Prophetes  magnifient  le  regne  de  Iesus  Christ  par  ce  tiltre,  qu'il  devoit  apporter  une  plus  grande  et  ample  largesse  du  sainct  Esprit.  Le  passage  de  Ioel  est  notable  par  dessus  les  autres:  respandray  en  ce  iour-la  de  mon  Esprit  sur  toute  chair,  dit  le  1)  V.  Liv.  L  ch.  13.  sect.  U  et  15.  2)  Par  lesquels-.  .  .  .  en  vain,  Ia  traduction  laisse  a  desirer  quant  a  la  clarte  et  a  V  exactitude.  Voici  le  latin:  Quibus  verbis  admonet,  ne  irrita  sit  sanguinis  illius  effusio,  arcana  spiritus  irrigatione  animas  nostras  eo  purgari.