39:1  1  CAPUT  TRIGES1MUM  SECUNDUM.  1.  Sermo  qui  datus  fuit  Ieremiae  a  Iehovah  anno  decimo  Zedechiae  regis  Iehudah:  hic  annus  est  decimus  octavus  Nabuchadnezer:  2.  Et  tunc  exercitus  regis  babylonii  obsidebat  Ierosolymam,  et  Ieremias  propheta  erat  inclusus  in  atrio  custodiae,  quae  est  in  palatio  regis  Iehudah:  3.  Quia  incluserat  ipsum  Zedechias  rex  Iehudah  dicendo,  Quare  tu  propheticas  dicendo,  Sic  dicit  Iehovah,  Ecce  ego  trado  urbem  hanc  in  manum  regis  babylonii,  et  capiet  eam?  Hic  narrat  propheta  quamvis  inclusus  esset  in  carcere,  sermonem  Dei  non  fuisse  alligatum,  et  se  in  illis  angustiis  non  minus  solutum  et  liberum  fuisse  quam  si  vagatus  fuisset  per  totam  urbem,  et  lustrasset  omnes  vias  et  compita.  Non  ergo  destitit  ab  officio  prophetae,  quamvis  fuisset  coniectus  in  carcerem.  Et  ita  videmus  non  posse  impediri  cursum  coelestis  doctrinae,  utcunque  saeviat  mundus  contra  omnes  ministros,  et  eos  constringat,  ut  obmutescant,  deinde  hic  etiam  perspicimus  invictam  prophetae  constantiam,  quod  non  deiectus  fuit  metu,  quamvis  esset  captivus,  neque  esset  extra  mortis  periculum  :  quia  videmus  tunc  quoque  animose  perrexisse  in  munere  suo.  Ergo  circumstantias  temporis  non  abs  re  designat  quum  dicit  se  tunc  fuisse  clausum  in  carcere.  Annum  etiam  ponit,  nempe  decimum  Zedechiae,  et  decimum  octavum  regis  Nabuchadnezer.  Circiter  finem  anni  noni  ascendit  Ierosolymam  exercitus  Nabuchadnezer:  obsessa  fuit  urbs  duobus  mensibus  illius  anni:  sequutus  est  annus  decimus,  quo  fuit  oblata  haec  visio  prophetae.  Obsidio  duravit  usque  ad  sesquiannum:  sed  contigit  aliqua  interruptio:  Aegyptii  enim  venerant  in  auxilium.  Ita  ad  breve  tempus  dum  obviam  illis  profecti  sunt  Chaldaei,  fuit  aliqua  libertas:  sed  cum  ignominia  redire  coacti  sunt  Aegyptii:  et  postea  Calvini  opera.  Vol.  XXXIX.