37:472  cladem  praediceret:  deinde  ut  concionaretur  de  futura  redemptione:  sic  tamen,  ut  interponeret  semper  exsilium  septuaginta  annorum.  Nunc  venio  ad  ipsa  verba.  CAPUT  PRIMUM.  1.  Verba  Ieremiae  filii  HelMae,  ex  sacerdotibus  qui  erant  in  Anathoth,  in  terra  Beniamin,  2.  Nempe  ("tttfK  explicative  hic  ponitur)  fuit  sermo  Iehovae  ad  ipsum  in  diebus  Iosiae  filii  Amon  regis  Iehudah,  decimo  tertio  anno  regni  eius.  3.  Et  fuit  (hoc  est,  perrexit  in  cursu  vocationis  suae)  diebus  Ioakim  filii  Iosiae  regis  Iehudah  usque  ad  complementum  undecimi  anni  Zedechiae  filii  Iosiae  regis  Iehudah  ad  transmigrationem  Ierusalem,  mense  quinto.  Dixi  non  frustra  hic  praefigi  tempus  quo  coepit  Ieremias  fungi  prophetae  officio  in  ecclesia  Dei,  nempe  quia  status  populi  valde  corruptus  erat,  tota  religio  vitiata  ob  perditum  librum  legis.  Neque  enim  alibi  petenda  erat  regula  colendi  Dei,  neque  aliunde  etiam  poterat  sumi  recta  intelligentia  quam  ex  illo  fonte.  Quum  ergo  iam  longa  consuetudine  impietas  regnum  occupasset  apud  Iudaeos,  tunc  repente  emersit  Ieremias.  Ergo  onus  gravissimum  impositum  fuit  eius  humeris,  quia  fieri  non  poterat  quin  surgerent  ex  adverso  multi  hostes,  quum  vellet  populum  reducere  ad  puram  legis  doctrinam,  quam  tunc  maior  pars  pedibus  superbe  calcabat.  Vocat  se  filium  HelJciae.  Existimant  Iudaei  hunc  esse  Helkiam  sacerdotem  a  quo  repertus  fuit  liber  Mosis,  quinquennio  post.  Sed  mihi  non  est  verisimile.  Suspicio  etiam  Hieronymi  valde  frivola  est,  quia  ex  voce  "1)?J,  quam  paulo  post  subiiciet  propheta,  colligit  fuisse  puerum,  quum  coepit  prophetare:  quasi  vero  non  se  puerum  metaphorice  appellet.  Quoto  aetatis  suae  anno  vocatus  fuerit  ad  munus  propheticum  nescitur:  tamen  credibile  est,  tunc  fuisse  stata,  vel  media  aetate,  quoniam  opus  fuit  autoritate  non  vulgari:  deinde  si  fuisset  puer,  certe  non  tacuisset  de  tanto  ac  tam  insigni  miraculo,  quod  scilicet  fuisset  creatus  propheta  ante  iustam  et  maturam  aetatem.  Quantum  ad  patrem  spectat,  non  mirum  est  si  Iudaei  transferunt  hoc  nomen  ad  summum  sacerdotem.  Scimus  enim,  ut  semper  rapiantur  ad  suas  inanes  iactantias.  Quum  igitur  ambitio  sensus  eorum  occupet,  hinc  factum  est  ut  dixerint  Ieremiam  esse  filium  summi  sacerdotis,  nempe  quo  splendidior  esset  eius  conditio.  Sed  quid  ipse  propheta?  Testatur  quidem  se  fuisse  filium  Helkiae,  sed  non  dicit  illum  fuisse  summum  sacerdotem:  imo  adiicit:  Ex  sacerdotibus  qui  erant