35:1  1  LE  CENT  ET  DIXNEUFIEME  SERMON,  QUI  EST  LE  I.  SUR  LE  XXXII.  CHAPITRE.  1.  Ges  trois  hommes  se  deportent  de  parler  a  Iob,  pource  qu'il  s'estimoit  estre  iuste  en  soi.  2.  Et  Eliu  fils  de  Barachel  Buzite,  de  la  famille  de  Eam,  fut  courrouce,  et  fort  indigne  contre  Iob,  d'autant  qu'il  se  disoit  iuste  par  dessus  Dieu,  3.  ll  fut  aussi  courrouce  contre  les  trois  amis  d'icelui,  d'autant  qu'ils  n'ont  point  eu  de  response,  et  toutes  fois  ont  condamne  Iob.  Pour  faire  nostre  profit  de  ce  qui  est  ici  recite,  de  ce  que  nous  verrons  doresenavant,  il  nous  doit  souvenir  de  ce  que  desia  nous  avons  veu:  c'est  assavoir,  que  Iob  ayant  a  demener  une  bonne  cause,  s'y  est  mal  conduit:  et  ceux  qui  estoyent  venus  pour  le  consoler,  ayans  une  mauvaise  cause,  ont  eu  de  bons  argumens  et  raisons  apparentes,  dont  on  pouvoit  recueillir  doctrine  utile.  Et  pourtant  il  y  a  eu  faute  en  eux,  d'autant  qu'ils  n'ont  point  basti  sur  un  bon  fondement:  il  y  a  eu  faute  en  Iob,  pource  qu'il  a  mal  edifie,  ayant  un  fondement  qui  estoit  bon  de  soi.  Et  voila  pourquoi  maintenant  il  est  dit,  qu'Eliu  Buzite  a  este  fasche,  et  a  este  enflamme  en  courroux,  pource  que  ceux  ici  n'avoyent  point  redargue  Iob,  et  cependant  toutes  fois  qu'ils  l'avoyent  condamne:  qu'il  s'est  aussi  fasche  contre  Iob,  pource  qu'il  s'est  voulu  iustifier  par  dessus  Dieu.  Ainsi  nous  voyons  que  ce  courroux  d'Eliu  n'a  pas  este  sans  cause  tant  contre  Iob,  que  comme  contre  ses  trois  amis,  qui  estoyent  venus  pour  le  consoler.  Car  Iob  s'estoit  par  trop  desborde,  combien  qu'il  eust  une  querelle  iuste  et  raisonnable:  les  autres  avoyent  resiste  a  Dieu,  combien  qu'ils  eussent  use  de  bonnes  raisons:  car  c'estoit  mal  a,  propos.  Or  cependant  il  est  dit,  Que  les  trois  amis  de  Iob  se  sont  deporter  de  plus  disputer  contre  lui,  d'autant  qu'il  cuidoit  estre  iuste  en  soi.  Nous  avons  veu  que  Iob  n'estimoit  pas  tellement  sa  iustice,  qu'il  ne  pensast  qu'il  y  avoit  beaucoup  fr,  redire  en  lui:  au  Calvini  opera.  Vol  XXXV.