35:578  eussent  profite:  mais  on  en  peut  faire  composition  qui  sera  propre  pour  meurir  une  playe,  et  cela  est  tout  notoire.  II  est  vray  que  Dieu  donnera  bien  quelque  fois  des  signes  qui  semblent  contraires  du  tout:  et  c'est  pour  nous  mieux  attirer  a  luy,  afin  que  nous  renoncions  a  toutes  nos  fantasies,  et  qu'il  nous  suffise  qu'il  ait  parle.  Comme  quoy?  Dieu  promet  que  iamais  la  terre  ne  perira  par  deluge.  Et  bien:  quel  signe  en  donne-il?  C'est  un  signe  qui  nous  menace  naturellement  de  la  pluye.  Quand  on  voit  Parc  du  ciel,  quel  signe  est-ce?  C'est  une  attraction  telle  qu'il  semble  que  nous  devions  estre  accablez,  et  que  la  terre  perira.  Et  comment?  Ce  signe-la  nous  est  donne  de  Dieu  afin  que  nous  scachions  que  la  terre  ne  perira  iamais  par  le  deluge:  voire  mais  c'est  afin  que  nous  apprenions  de  nous  arrester  a  sa  verite,  et  que  nous  fermions  les  yeux  a  tout  le  reste,  et  a  tout  ce  que  nous  concevons  en  nous  mesmes,  et  que  la  verite  de  Dieu  nous  soit  si  authentique,  que  nous  la  recevions  sans  contredit.  Dieu  donc  besongnera  bien  en  telle  sorte  :  mais  quant  a  ce  passage,  plustost  nous  pouvons  iuger  que  le  Prophete,  pour  addoucir  le  mal  d'Ezechias,  a  voulu  encores  donner  ce  remede:  car  c'est  une  playe  aussi  douloureuse  qu'il  en  soit  point  que  la  peste:  c'est  comme  un  feu  qui  brusle  l'  homme.  Et  ainsi  quand  Dieu  avoit  prolonge  la  vie  a.  ce  bon  Roy,  il  a  voulu  encore  de  superabondant  adiouster  ceste  bonte-ci,  que  la  douleur  fust  appaisee.  Le  Prophete  donc  luy  donne  cela  comme  de  surcroist,  que  non  seulement  Dieu  luy  allonge  sa  vie,  mais  encore  il  ne  veut  point  qu'il  endure  tant,  et  qu'il  souffre  les  tormens  lesquels  il  a  sentis  auparavant.  Ainsi  voyla  comme  en  tout  et  par  tout  Dieu  s'est  declare  pitoyable  envers  ce  bon  Roy,  et  qu'il  s'est  voulu  monstrer  appaise  en  toutes  sortes  apres  avoir  use  de  telle  rudesse  contre  luy,  et  avoit  desploye  son  bras,  comme  s'il  l'eust  voulu  abysmer  du  tout.  Cependant  ce  n'est  pas  a  dire  que  Dieu  en  face  du  tout  de  mesme  envers  chacun  des  siens,  afin  que  nous  ne  demandions  pas  qu'en  une  minute  de  temps  Dieu,  apres  nous  avoir  retirez  du  sepulchre,  nous  esiouisse,  et  qu'il  nous  donne  en  tout  et  par  tout  de  quoy  nous  contenter:  mais  s'il  luy  plaist  petit  a  petit  nous  donner  allegement  a  nos  maux,  cependant  contentons-nous  de  cela.  Et  de  faict,  nous  pouvons  recueillir  que  Dieu  encore  a  besongne  par  degrez  en  Ezechias:  car  desia  ce  miracle  avoit  este  fait,  que  l'ombre  du  soleil  s'estoit  retiree,  et  le  message  de  prolonguement  de  vie  luy  estoit  donne  par  le  Prophete.  Il  semble  donc  qu'Ezechias  soit  du  tout  delivre:  et  neantmoins  cest  emplastre  est  encores  requis.  Ainsi  donc  quand  nostre  Seigneur,  apres  nous  avoir  donne  quelque  allegement  en  un  mal,  laissera  encore  quelque  re-  37