35:3  3  SERMON  CXIX  devant  les  hommes  nous  serons  condamnez  a  tort:  voire  combien  que  ceux  qui  detractent  contre  nous,  ayent  la  bouche  close,  et  n'ayent  point  raison  pour  nous  convaincre,  ils  ne  laisseront  pas  pourtant  d'estre  menez  d'un  tel  orgueil  qu'ils  nous  diffameront,  et  ietteront  des  meschans  propos  a  rencontre  de  nous.  Par  cela  nous  sommes  admonnestez,  que  si  les  hommes  sont  ainsi  malins  a  nous  condamner,  n'ayans  nul  argument,  nous  ne  devons  point  estre  par  trop  faschez:  car  cela  n'est  pas  nouveau,  puis  qu'il  est  advenu  a  Iob,  un  serviteur  de  Dieu  si  excellent:  comme  auiourd'hui  nous  voyons  que  les  Papistes  se  contentent  d'avoir  determine  que  leurs  erreurs,  superstitions,  et  fausses  doctrines  sont  bonnes.  Oar  ils  y  procedent  avec  un  style  magistras  Que  c'est  assez  d'avoir  pense:  il  n'est  point  question  d'entrer  en  dispute,  ne  de  s'enquerir  par  raison  comme  il  en  va:  car  il  leur  semble  qu'ils  ont  toute  authorite,  la  dessus  ils  foudroyent  contre  nous.  Or  cependant  si  savons-nous  que  la  verite  est  de  nostre  coste,  et  nous  en  sommes  assez  resolus.  Resistons  donc  a  une  telle  tentation,  et  qu'elle  ne  nous  estonne  point,  veu  que  de  tout  temps  il  en  a  este  ainsi,  que  ceux  qui  n'avoyent  nulle  raison  pour  eux,  n'ont  pas  laisse  toutes  fois  de  condamner  hardiment  et  sans  scrupule  une  bonne  cause.  Voyans  donc  que  le  diable  les  aveugle  ainsi,  que  nous  allions  tousiours  nostre  train,  et  adherions  constamment  a  la  verite  qui  nous  est  cognue.  Et  de  nostre  coste  aussi  que  nous  soyons  advertis,  de  cheminer  en  plus  grande  modestie,  quand  nous  aurons  este  un  peu  trop  hastifs:  comme  quelques  fois  il  adviendra  que  les  enfans  de  Dieu  auront  des  bouillons,  qu'ils  ne  se  contiennent  point  assez.  Alors  donc  que  nous  ne  poursuivions  point,  et  que  l'obstination  ne  soit  point  coniointe  avec  la  temerite.  Il  est  vrai  que  c'est  une  chose  difficile  (car  celui  qui  s'est  iette  aux  champs  sera  opiniastre  le  plus  souvent)  mais  si  faut-il  que  quand  nous  aurons  failli,  nous  ne  continuions  point  au  mal,  mais  plustost  que  nous  apprenions  de  nous  retenir;  I'ai  ici  excede  mesure,  ie  cognoi  bien  que  ie  ne  me  suis  pas  retenu  en  telle  moderation  que  ie  devoye.  Qu'est-il  de  faire?  O  il  ne  faut  pas  que  ie  soye  endurci,  mais  que  ie  tourne  bride,  voyant  que  i'ai  prins  un  mauvais  chemin.  Voila  donc  comme  a  l'exemple  des  amis  de  Iob  l'Esprit  de  Dieu  nous  advertit  en  premier  lieu  d'estre  modestes,  afin  de  ne  prendre  point  querelle  contre  Dieu  a  la  volee:  et  puis  s'il  nous  est  advenu  de  faillir,  pour  le  moins  que  nous  ne  soyons  point  obstinez,  que  nous  ne  perseverions  point  au  mal:  mais  qu'en  cognoissant  nostre  faute  nous  taschions  plustost  de  la  corriger.  Touchant  d'Eliu  dont  il  est  ici  fait  mention,  ce  n'est  point  sans  cause  que  l'Escriture  nous  monstre  de  quelle  race  il  est  descendu:  comme  il  est  nomme