35:2  2  contraire  il  a  proteste  qu'il  estoit  un  povre  pecheur:  mais  tant  y  a  qu'il  ne  vouloit  point  se  condamner  a  l'appetit  de  ceux  qui  iugeoyent  mai  de  son  affliction.  L'opinion  et  phantasie  des  trois  amis  de  Iob  estoit,  Voici  un  homme  reprouve  de  Dieu,  d'autant  qu'il  est  si  durement  traitte.  Or  il  est  dit  que  nous  devons  iuger  prudemment  de  celui  que  Dieu  corrige:  car  il  ne  faut  pas  conclure  qu'un  chacun  soit  puni  selon  ses  offenses.  Quelquesfois  Dieu  espargne  les  meschans,  et  dissimule  a  leurs  iniquitez:  et  c'est  pour  leur  condamnation  plus  griefve,  la  bonte  de  Dieu  leur  sera  bien  cher  vendue,  quand  il  les  aura  attendus  en  patience.  Si  donc  quelquesfois  Dieu  ne  fait  point  semblant  de  punir  ceux  qui  l'ont  merite,  ne  pensons  point  pour  cela  qu'ils  en  ayent  meilleur  marche,  et  ne  les  iustifions  point  d'autant  que  Dieu  les  espargne.  A  l'opposite  quand  nous  verrons  un  homme  estre  batu  des  verges  de  Dieu,  n'estimons  point  pour  cela  qu'il  soit  plus  meschant  que  tout  le  reste  du  monde:  car  possible  que  Dieu  veut  esprouver  sa  patience,  encores  qu'il  ne  le  chastie  pas  pour  ses  pechez.  Or  Iob  ne  s'est  point  voulu  accorder  a  la  folle  doctrine  de  ses  amis:  voila  pourquoi  il  leur  a  semble  qu'il  se  faisoit  iuste,  combien  que  sa  pensee  ne  fust  point  telle.  Et  ainsi  gardons-nous  (comme  il  a  este  remonstre  ci  dessus)  de  prendre  une  mauvaise  querelle  (car  nous  serons  aveuglez  et  nous  semblera  que  si  un  homme  ne  s'accorde  avec  nous,  il  est  tellement  condamne  qu'il  ne  faut  plus  tenir  propos  avec  lui)  mais  devant  qu'entrer  en  dispute,  que  nous  soyons  bien  asseurez  de  la  verite.  Il  n'y  a  rien  pire  que  de  nous  haster:  nous  savons  que  le  proverbe  se  pratique  tousiours,  Que  la  hastivete  nous  transporte,  et  qu'il  ne  sortira  d'un  iuge  hastif,  qu'une  sentence  folle  et  a  l'estourdie.  Puis  qu'ainsi  est,  apprenons  de  nous  tenir  comme  en  suspens,  iusques  a  ce  que  la  verite  nous  soit  bien  cognue.  Et  cependant  notons  qu'il  adviendra  souvent  que  1