32:455  455  SERMON  SUR  IE  PSEAUME  CXT.  Non  pas  a  nous  Seigneur,  non  pas  a  nous:  mais  a  ton  Nom  donne  la  gloire,  a  cause  de  ta  benignite  et  de  ta  verite.  Pourquoy  diroyent  les  gens:  Ou  est  maintenant  leur  Dieu?  Car  nostre  Dieu  est  au  ciel,  il  fait  tout  ce  qu'il  luy  plait  Combien  que  nostre  Seigneur  en  affligeant  ses  fideles  tende  tousiours  a  ceste  fin  de  glorifier  son  nom,  toutesfois  il  y  a  diverses  raisons  pourquoy  il  permet  qu'ils  soyent  affligez.  Quelque  fois  il  n'y  a  rien  qui  l'esmeuve  a  cela,  sinon  qu'il  luy  plait,  que  sa  verite  soit  confermee  par  la  patience  de  ses  serviteurs.  Ou  bien  quand  il  les  a  mis  en  quelque  dangier,  et  qu'il  les  delivre,  en  cela  il  veut  aussi  estre  glorifie,  ou  soit  qu'il  en  advienne  quelque  autre  issue.  Pour  leurs  fautes  quelque  fois  il  les  chastie.  II  est  vray  que  tout  cecy  revient  aussi  a  la  gloire  de  son  nom.  Tant  y  a  que  quand  les  fideles  l'auront  offense,  pour  cela  il  les  visite.  Quelque  fois  il  permetra  qu'ils  soyent  persecutez  par  les  iniques,  qui  sont  ses  verges,  ou  il  usera  d'autres  moyens:  comme  il  en  a  assez  en  main.  Voila  que  nous  avons  a  noter  en  premier  lieu  pour  avoir  l'intelligence  de  ce  Pseaume  :  c'est  que  la  fin  principale  de  tout  ce  que  nous  endurons  en  ce  monde,  est  que  le  nom  de  Dieu  soit  glorifie.  Cependant  toutesfois  nostre  Seigneur  na  permet  point  que  nous  soyons  tousiours  persecutez,  d'autant  que  nous  l'ayons  offense,  non  point  qu'il  ne  puisse  bien  avoir  tousiours  iuste  cause,  mais  il  veut  aucune  fois  que  nous  confermions  sa  verite  par  nostre  patience,  et  apres  qu'il  nous  aura  delivrez,  que  nous  protestions  comment  nous  avons  senty  sa  misericorde,  que  nous  luy  en  rendions  action  de  graces.  Quelque  fois  il  nous  chastie  pour  nos  fautes,  pource  que  nous  n'aurons  point  vescu  comme  ses  enfans,  que  nous  ne  luy  aurons  point  rendu  obeissance  comme  a  nostre  Pere.  Il  nous  suscitera  les  iniques  comme  ses  fleaux:  mais  tant  y  a  qu'il  nous  faut