32:483  483  PREMIER  SERMON  484  qui  ne  sera  sinon  pour  inviter  a  paillardise,  et  a  toute  infamete:  elle  sera  retenue.  Voyci  Dieu  qui  nous  apprend  par  TA  b  c,  une  chanson  excellente  sur  toutes,  pour  scavoir  regler  nostre  vie,  pour  nous  exhorter  a  bien-faire,  pour  nous  consoler  en  nos  afflictions,  pour  nous  ratifier  les  promesses  de  salut,  pour  nous  ouvrir  la  porte  de  son  Royaume,  afin  de  nous  faire  entrer  en  vie  eternelle,  tout  cela  est  contenu  en  cest  A  b  c  du  Pseaume  present,  et  chacun  dira  qu'il  a  trop  courte  memoire,  qu'il  a  l'esprit  trop  grossier,  ou  trop  debile.  Or  ie  vous  prie,  ceste  excuse  la  est-ellle  ne  de  mise,  ne  de  recepte  ?  Pourtant  apprenons  d'appliquer  nostre  estude  a  recorder  les  lecons  qui  nous  sont  yci  enseignees:  et  que  d'oresenavant  le  Pseaume  nous  soit  familier,  si  nous  voulons  estre  reputez  et  tenus  pour  enfans  de  Dieu.  Au  lieu  que  nous  voyons  que  nostre  nature  s'adonne  a  beaucoup  de  propos  meschans  et  pernicieux,  ou  bien  inutiles:  retenons  ce  qui  nous  est  si  profitable,  et  sur  tout  quand  Dieu  s'abbaisse  ainsi  a  la  rudesse,  et  a  l'infirmite  des  plus  idiots,  et  des  plus  ignorans  qui  soyent  entre-nous.  De  ma  part,  en  me  conformant  a  la  facon  que  Dieu  a  yci  tenue,  ie  m'efforceray  de  suyvre  en  brief  le  vray  fil  du  texte:  et  sans  insister  a  longues  exhortations,  ie  mettray  peine  seulement  de  mascher,  comme  on  dit,  les  mots  de  David,  afin  qu'on  les  puisse  digerer.  Pour  ce  faire,  i'ay  delibere  par  la  grace  de  Dieu,  d'achever  un  Huictain  en  chacun  sermon:  et  me  restreindre  tellement,  qu'il  soit  aise  aux  plus  ignorans,  de  recognoistre  que  ie  n'ay  voulu  sinon  esclarcir  la  simple  substance  du  texte.  Or  maintenant  venons  au  contenu  de  ce  premier  Huictain,  qui  est  de  la  premiere  lettre:  Bien  heureux  sont  les  hommes  (dit  David)  qui  sont  droits  en  la  voye:  qui  cheminent  en  la  Loy  du  Seigneur.  Il  signifie  en  premier  lieu,  que  les  hommes  ne  cognoissent  point  ou  gist  leur  felicite,  d'autant  qu'ils  s'aveuglent,  et  qu'ils  vivent  en  ce  monde  comme  bestes,  n'ayans  ne  sens  ne  raison:  qu'un  chacun  se  laisse  mener  apres  ses  affections  et  cupiditez  brutales.  Puis  qu'ainsi  est  donc  que  les  hommes  sont  ainsi  transportez,  c'est  signe  qu'ils  ne  discernent  point  le  bien  d'avec  le  mal:  ou  que  le  diable  les  a  tellement  enchantez,  qu'ils  n'y  pensent  point.  Tant  y  a,  que  les  plus  meschans  diront,  qu'encores  ils  desirent  leur  bien,  mais  en  le  desirant,  si  est-ce  qu'ils  le  fuyent,  et  qu'ils  s'en  retirent  le  plus  qu'ils  peuvent.  Qui  est  cause  qu'ils  sont  tant  reculez  de  ce  qu'ils  protestent  d'aimer?  En  approchent-ils  tant  peu  que  ce  soit?  Mais  il  semble  qu'ils  ayent  conspire  a  reietter  et  aneantir  le  bien  que  Dieu  leur  veut  faire.  Notons  donc  que  David,  en  ce  premier  verset  accuse  les  hommes  d'un  horrible  aveuglement,  comme  s'il  disoit,  Que  tous  sont  nsensez.  Et  de  fait,  si  nous  avons  une  seule  goutte