[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


32:480  sa  povre  Eglise.  Il  n'y  a  doute  qu'elle  est  encore  en  grand  dangier.  On  sait  les  grans  appereilz  que  le  Turc  fait.  Ces  malheureux  pensoyent  avoir  tout  gaigne  s'ilz  nous  eussent  peu  accabler,  comme  s'ilz  n'avoient  autre  chose  a  faire  que  de  saccager  l'Eglise  de  Iesus  Christ.  Ilz  voyent  bien  ce  grand  diable  qui  ne  demande  sinon  de  mettre  tout  en  confusion,  qu'il  n'y  ayt  plus  d'Evangile  ne  de  Chrestiente.  Ce  seroit  la  qu'ilz  se  devroient  employer,  et  non  point  d'insulter  a  Iesus  Christ.  Quand  nous  voyons  un  tel  desroy  par  la  terre,  prions  nostre  bon  Dieu  qu'il  estende  son  bras  fort  par  tout  ou  sa  parolle  n'est  point  preschee,  comme  entre  nous.  Et  de  fait,  aux  lieux  ou  le  Pape  exerce  sa  tyrannie,  il  y  a  des  cueurs  plus  embrasez  a  Dieu,  qu'en  plusieurs  ou  l'Evangile  se  presche.  La  ou  un  prince  tyrant  regne,  voila  toute  la  noblesse  qui  s'expose  iusque  la  de  venir  supplier  son  prince,  non  point  sans  grand  dangier  de  leur  vie.  Puis  donc  qu'il  j  a  tant  de  povres  ames  affamees  de  la  Parolle  de  nostre  Dieu,  nostre  devoir  est  de  le  prier  qu'il  avance  son  Regne,  a  fin  que  tous  ensemble  nous  puissions  l'invoquer  d'un  commun  accord,  et  protester  en  la  compagnie  de  ses  fideles:  Seigneur,  tu  es  nostre  Dieu,  rendans  a  Iesu  Christ  l'honneur  qui  luy  est  deu.  Que  tout  genouil  se  flechisse  a  son  nom,  tant  au  ciel,  en  la  terre,  comme  aux  enfers.  Au  nom  duquel  nous  nous  presenterons  tous  devant  la  maieste  de  nostre  Dieu,  en  disant:  Dieu  tout  puissant  etc.  

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci