32:479  479  SERMON  SUR  LE  PSEAUME  CXXIV.  480  martyrs  sera  une  semence  pour  multiplier  le  nombre  des  fideles.  Prions  le  que  nous,  et  tous  autres,  puissions  ensemble  nous  fortifier  en  luy.  Noz  armes  sont  Foy,  Esperance  et  Patience.  Ainsi  le  remercions  du  benefice  qu'il  nous  a  fait.  Prions  le  aussi  qu'il  ayt  pitie  de  noz  povres  freres  qui  sont  soubz  la  cruaute  des  tyrans.  N'estimons  pas  que  Satan  ne  monstre  aussi  bien  sa  rage  en  France  comme  aux  autres  pays.  Il  ne  faut  point  attendre  les  postes:  la  chose  est  toute  evidente.  Il  n'y  a  quartier  ne  province,  ou  il  ne  s'exerce  cruaute  plus  que  barbare.  Il  n'y  a  nulle  audience,  nulle  iustice.  Quiconque  ouvre  la  bouche,  il  est  mis  au  feu.  Pourtant  prions  nostre  Seigneur  qu'il  estende  sa  main  forte,  qu'il  ne  permette  point  que  ses  povres  fideles  soyent  vaincus  par  la  rage  de  leurs  ennemys.  Que  s'il  luy  plait  de  rendre  tesmoignage  a  son  Evangile  par  l'effusion  de  leur  sang,  qu'il  leur  donne  ferme  constance,  que  mesme  en  mourant  ilz  puissent  triumpher  de  leurs  ennemys,  sachans  qu'en  Iesus  Christ  ilz  ont  salut  et  vie.  N'est  ce  point  la  un  bien  inestimable  d'estre  victorieux  en  mourant?  La  victoyre  est  a  nostre  capitaine.  Pourtant  il  nous  faut  prier  nostre  bon  Dieu  qu'il  ayt  sa  main  estendue  sur  les  povres  persones,  qu'il  les  retire  de  l'angoisse  ou  ilz  sont:  les  uns  des  ceps,  les  autres  des  basses  fosses.  Ce  n'est  point  a  nous  de  luy  ordonner  les  moyens,  ne  d'assigner  le  terme.  Recommandons  luy  la  gloire  de  son  nom,  sa  doctrine,