32:478  Il  est  vray  que  ce  n'est  qu'un  boutefeu  qui  est  prins.  Car  combien  qu'il  soit  prince  de  rasse,  neantmoins  si  a  il  este  convaincu  d'avoir  loe  des  boutefeux  pour  brusler  une  partie  de  l'Allemagne.  Et  ce  au  gaige  du  Pape.  Il  a  este  convaincu  par  ses  propres  lettres,  d'avoir  fait  plus  de  laschetez  que  ne  feit  iamais  brigand,  voire  en  la  presence  de  l'Empereur.  Davantage  il  est  excommunie  du  Pape.  Enquoy  on  peut  veoir  l'honnestete  tant  de  luy  que  de  sa  sequelle  de  choisir  un  tel  capitaine.  Mais  tant  y  a  que  c'estoit  la  corne  de  Satan  pour  hurter  contre  Iesus  Christ  et  son  Eglise,  et  s'aydoit  on  de  luy  pour  passer  plus  outre.  Or  donc  nostre  ame  est  bien  eschappoe.  Que  reste  il?  .  Que  nous  mettions  nostre  esperance  en  Dieu.  Que  nous  nous  humilions  tousiours  soubz  sa  main  forte,  nous  recommandans  a  luy.  Seigneur,  nous  sommes  en  ta  main  que  tu  ne  permette  point  a  Satan  de  venir  a  bout  de  nous.  Et  comme  nous  disions  mercredy  dernier,  que  nous  ayons  cela  imprime  en  nous,  que  ce  ne  soit  point  a  nous  la  gloire,  mais  a  ton  nom,  Seigneur.  Donne  louenge,  non  point  a  nous,  non  point  a  nous,  Seigneur.  Nous  confessons  d'estre  indignes  des  benefices  que  tu  nous  fais.  Nous  ne  faisons  point  fructifier  ton  Evangile  comme  il  faut,  mais  encore  tu  auras  pitie  de  nous.  Tu  ne  permettras  point  que  nous  perissions  puis  que  nous  portons  ton  nom,  et  que  tu  veux  ta  parolle  estre  preschee  entre  nous.  Ce  pendant  gardons  nous  de  lever  les  cornes,  d'immoler  a  noz  Retz,  les  infideles  en  font  ainsi.  Cognoissons  a  la  verite  que  nostre  salut  consiste  en  la  misericorde  de  Dieu.  Au  reste,  quand  nous  voyons  qu'il  nous  fait  tant  de  bien,  que  nous  soyons  esmeuz  a  louer  son  nom.  Si  nous  nous  y  sommes  mal  portez  le  passe,  maintenant  que  nous  prenions  courage.  Puis  qu'ainsi  est  Seigneur,  que  tu  te  monstres  si  bon  envers  nous,  que  non  seulement  tu  nous  as  maintenant  delivre  de  la  rage  et  fureur  des  meschans,  mais  encore  que  tu  nous  prometz  de  poursuyvre  ta  bonte  a  l'advenir.  Donc  que  nostre  bouche,  que  nostre  vie,  que  toutes  noz  oeuvres  te  chantent  louenge.  Que  les  meschans  mesme  soyent  contraints  de  te  louer.  Pour  ce  faire,  que  chacun  de  nous  se  dispose  a  remercier  nostre  Dieu.  Et  que  nous  facions  cela  de  cueur,  le  magnifians  d'un  vray  zele,  qu'il  triumpho  entre  nous,  comme  ii  s'est  monstre  nostre  capitaine.  Et  quand  ii  nous  adviendra  quelque  frayeur  ou  apparence  de  dangier,  qu'il  ne  permette  point  que  nous  declinions  un  seul  doigt  de  son  obeissance.  Or  nous  avons  bon  mestier  de  ce  faire,  car  nous  voyons  la  misere  ou  sont  plusieurs  de  noz  freres.  Mais  combien  que  Dieu  permet  ce  pendant  qu'il  se  face  des  persecutions  en  plusieurs  lieux,  que  cela  ne  nous  desconforte  ou  amatisse  les  cueurs.  Car  le  sang  de  ses