32:4  4  omnium  conditio  in  speciem,  singulari  tamen  privilegio  eximi  fideles  a  propinquis  malis,  et  quae  fere  eorum  capitibus  imminent.  Alioqui  enim  protinus  in  mentem  hoc  veniret,  Quid,  nonne  tu  unus  ex  vulgo  hominum,  quorum  vita  mille  mortibus  circumdatur?  Hanc  dubitationem  ut  corrigat  propheta,  diserte  admonet,  quamvis  totus  mundus  ruinis  misceatur,  Deum  tamen  peculiari  cura  servis  suis  consulere,  ne  promiscue  in  turba  pereant.  Valde  necessaria  admonitio,  quamvis  naturaliter  communibus  incommodis  subiecti  simus,  singulari  tamen  privilegio  nos  eximi,  ut  semper  in  periculis  tuti  simus.  Proximo  versu  non  modo  intelligit  experientiam  fore  magistram,  quia  re  ipsa  sentient  fideles,  et  quasi  oculis  cernent  salutem  suam  in  Dei  manu  repositam  esse:  sed  alio  argumento  confirmat  hanc  doctrinam,  quod  scilicet  Deus,  qui  iustus  est  mundi  iudex,  impios  ac  reprobos  quo  meriti  sunt  exitio  plectens,  suos  tueatur.  Quamvis  ergo  res  saepe  in  terra  confusae  sint,  in  hac  tamen  obscura  caligine  dicit  propheta  fideles  palam  cognituros  iudicia  Dei,  unde  colligant  non  frustra  in  eum  sperasse.  Alloquitur  autem  oculatos  et  qui  praediti  sunt  vera  fidei  luce,  qui  ad  consideranda  Dei  iudicia  sedulo  excubant,  qui  etiam  patienter  et  in  silentio  exspectant  tempus  opportunum:  quia  maior  pars  iudicium  praecipitans,  sua  festinatione  se  conturbat,  unde  fit  ut  sensus  carnis  ad  Dei  providentiam  caecutiat.  Adde  quod  sufficere  nobis  debet,  si  iudicia  sua  Deus  ex  maiori  parte  in  diem  plenae  revelationis  differens,  aliquem  nunc  gustum  praebeat.  9.  Quia  tu  Iehova  protectio  mea,  Excelsum  posuisti  refugium  tuum.  10.  Non  occurret  tibi  malum,  et  plaga  non  appropinquabit  tabernaculo  tuo.  11.  Quia  angelis  suis  mandavit  de  te,  ut  custodiant  te  in  omnibus  viis  tuis.  12.  Super  manus  portabunt  te,  ne  offendas  ad  lapidem  pedem  tuum.  9.  (Quia  tu  Iehova.)  Multus  est  in  commendanda  Dei  providentia:  quia  nonnisi  lente  et  multis  stimulis  excitatur  hominum  segnities,  ut  relictis  mundi  fulturis  quibus  sunt  affixi,  recta  se  in  Deum  conferant.  Sicuti  autem  in  hoc  Psalmo  subinde  variat  personas  :  ita  m  hoc  versu  primo  Deum  compellat:  deinde  iterum  sermonem  ad  se  ipsum  convertit.  Ac  Deum  quidem  protectionem  suam  nominat,  quo  efficacius  suo  exemplo  ad  eum  cogat  reliquos  fideles.  Eadem  ratione  secum  deinde  loquitur,  quo  plus  fidei  faciat  de  interiore  suo  affectu.  Nam  haec  vera  demum  fidei  probatio  est,  dum  se  quisque  colligens,  absque  testibus  animum  suum  examinat:  quia  ubi  Deo  unico  non  contenti,  ad  homines  reflectimus  oculos,  vix  fieri  potest  quin  se  ambitio  in  fidei  locum  insinuet.  Dicitur  autem  Deus  censeri  pro  domicilio:  quia  sursum  et  deorsum  nobis  de-