29:231  231  SERMON  CO.  232  luy  et  tous  les  autres  ont  puise  de  ce  qui  avoit  este  enseigne  auparavant.  Et  ainsi  (comme  nous  avons  declare),  il  falloit  que  le  peuple  regardast  tousiours  a  la  Loy  qui  luy  estoit  donnee,  pour  iamais  ne  la  mettre,  en  oubli.  Et  combien  que  nostre  Seigneur  eust  si  bien  proveu  a  cela,  nous  voyons  encores  quelle  nonchallance  il  y  a  eu:  c'est  une  chose  horrible,  que  la  Loy  ait  este  perdue,  comme  nous  savons  qu'elle  fut  retrouvee  du  temps  de  Iosias.  Et  toutesfois  c'estoit  un  thresor  que  Dieu  avoit  commis  aux  Sacrificateurs,  il  y  avoit  une  lignee  eleue  a  cela,  pour  dire:  Gardez  bien  que  la  Loy  ne  perisse:  le  peuple  estoit  admonneste  (comme  nous  avons  veu  par  ci  devant)  :  vous  aurez  la  Loy  sur  les  posteaux  de  vos  maisons,  vous  l'escrirez  sur  vos  tables  aupres  de  vos  licts,  vous  la  porterez  mesmes  sur  vos  mains,  comme  des  bracelets:  au  lieu  que  les  autres  ont  des  ornemens  pour  se  parer,  vous  aurez  tousiours  ma  Loy  devant  vos  yeux,  afin  de  iamais  n'en  perdre  la  memoire.  Or  le  peuple  neantmoins  l'oublie:  et  par  cela  nous  voyons  combien  il  estoit  necessaire  que  l'authorite  de  Moyse  fust  ainsi  magnifiee,  afin  que  la  Loy  demeurast  en  son  degre.  Or  cela  nous  est  monstre  par  le  Prophete  Malachie,  quand  il  dit:  Qu'il  vous  souvienne  de  la  Loy  de  Moyse  qui  vous  fut  donnee  en  Oreb.  Voila  Malachie  qui  parle  au  peuple,  luy  monstrant  qu'il  devoit  estre  destitue  de  Prophetes:  car  c'est  le  dernier  depuis  ce  tempsla  iusques  a  la  venue  de  nostre  Seigneur  Iesus  Christ,  il  n'y  a  point  eu  de  Prophetes,  c'estoit  une