29:230  teste.  Voila  donc  comme  nous  devons  prattiquer  ce  qui  est  ici  contenu,  c'est  assavoir,  de  tellement  obeir  a  ceux  qui  ont  superiorite  par  dessus  nous,  qu'en  premier  lieu  nous  regardions  ce  que  Dieu  commande,  ce  qu'il  ordonne:  et  puis  servons  aux  hommes  comme  a  ses  Ministres  qu'il  envoye,  et  par  le  moyen  desquels  il  nous  veut  conduire.  Voila  en  somme  ce  que  nous  avons  a  retenir.  Or  finalement  il  dit:  Que  nul  Prophete  ne  s1  est  trouve  en  Israel  tel  que  Moyse,  qui  ait  cogneu  Dieu  face  a  face,  c'est  a  dire,  auquel  il  se  soit  revele  priveement.  Ici  nous  voyons  en  premier  lieu  que  Dieu  n'aura  point  un  train  esgal,  pour  tousiours  desployer  ses  graces  comme  nous  voudrions,  mais  qu'il  en  fait  et  dispose  selon  sa  volonte.  Dieu  donc  n'est  point  oblige  a  une  certaine  Loy,  pour  dire  que  si  auiourd'huy  ii  a  envoye  un  homme  excellent,  que  demain  cela  continue.  Non.  Quelque  fois  nous  serons  privez  d'un  homme,  et  nous  ne  verrons  point  son  pareil.  Et  comment?  pource  que  nostre  Seigneur  se  reserve  cela,  afin  de  donner  plus  grand  lustre  a  sa  grace.  Voila  en  premier  lieu  ce  que  nous  avons  a  noter:  et  c'est  afin  que  nous  ne  soyons  point  confus,  quand  nostre  Seigneur  diminuera  aucunes  fois  de  ses  graces  envers  nous:  que  cela  ne  nous  mette  point  en  desespoir.  Pourquoy?  Contentons-nous  que  nostre  Seigneur  est  liberal.  Et  puis  nous  avons  desia  veu  qu'il  n'a  pas  laisse  d'avoir  le  soin  de  son  peuple,  encores  que  Moyse  eust  surmonte  Iosue  de  beaucoup,  et  qu'il  n'ait  pas  este  son  pareil  au  prix  :  non  pas  que  ce  soit  l'intention  de  Dieu  de  magnifier  Moyse  quant  a  sa  personne,  mais  c'est  afin  que  la  Loy  fust  receue  en  plus  grande  reverence,  et  que  le  peuple  cogneust  que  Moyse  estoit  envoye  de  Dieu.  Et  Dieu  aussi  a  voulu  donner  quelque  approbation  a  la  doctrine  de  la  Loy,  pour  l'imprimer  mieux  au  coeur  des  Iuifs,  et  sur  tout  ceste  redemption  tant  excellente  qui  avoit  este  faite.  Car  nous  voyons  comme  tous  les  Prophetes  aussi  travaillent  a  cela,  quand  ils  veulent  redarguer  le  peuple  de  son  ingratitude:  quand  ils  accusent  son  impiete,  ils  mettent  au  devant  ceste  redemption  d'Egypte:  car  c'estoit  un  acte  digne  de  memoire  eternelle.  Afin  donc  que  le  peuple  fust  tant  mieux  incite  a.  cela,  il  est  dit  que  Moyse  a  este  excellent  par  dessus  tous  hommes:  et  cependant  il  a  fallu  que  le  peuple  s'entretinst  en  l'obeissance  de  la  Loy,  iusques  a  la  venue  de  nostre  Seigneur  Iesus  Christ.  Et  ce  sera  la  conclusion  en  un  mot.  Combien  que  Dieu  ait  suscite  de  grans  Prophetes  apres  le  trespas  de  Moyse,  et  mesmes  qui  parlent  plus  hautement  que  luy:  comme  en  Isaie  nous  voyons  une  doctrine  ce  semble  de  prime  face  plus  haute  que  celle  qui  est  contenue  en  Moyse:  toutesfois  il  est  certain  qu'Isaie  n'a  este  qu'expositeur  de  la  Loy,  et  que  ce  qu'il  a  escrit  n'est  qu'un  accessoire:  que  15*