23:741  741  TROIS  SERMONS  SUR  LE  SACRIFICE  D'ABRAHAM.  Ges  trois  Sermons  ont  este  faits  par  ledit  Autheur,  sur  ce  qui  est  contenu  en  Genese  depuis  le  vint  unieme  chapitre  verset  trentetrois,  iusques  au  verset  quinzieme,  du  vingt  deuxieme  chapitre  suivant  La  Priere  ordinaire  de  l'Autheur,  sur  le  commencement  de  ses  Sermons  en  la  semaine.  Nous  invoquerons  nostre  bon  Dieu,  le  priant  qu'il  luy  plaise  ietter  l'oeil  de  sa  clemence  Paternelle  sur  nous  ses  povres  serviteurs:  ne  nous  imputant  point  tant  de  fautes  et  offenses,  par  lesquelles  nous  ne  cessons  de  provoquer  iournellement  son  ire  a  rencontre  de  nous.  Et  d'autant  que  nous  sommes  trop  indignes  de  comparoistre  devant  sa  saincte  Maieste,  qu'il  luy  plaise  nous  recevoir  au  nom  de  son  Fils  bien-aime  nostre  Seigneur  Iesus  Christ,  acceptant  le  merite  de  sa  mort  et  passion  pour  recompense  de  toutes  nos  fautes,  puis  qu'en  nos  propres  oeuvres  nous  ne  pouvons  consister  devant  sa  face.  Et  qu'il  luy  plaise  nous  illuminer  par  son  8.  Esprit  en  la  vraye  intelligence  de  sa  saincte  parole,  nous  faire  grace  de  la  traitter  fidelement,  de  la  recevoir  en  vraye  crainte  et  humilite,  que  nous  soyons  instruits  par  icelle  a  mettre  pleinement  nostre  fiance  en  [pag.  217]  luy,  a  fin  de  le  servir  et  honorer  comme  il  appartient,  pour  glorifier  son  sainct  nom  en  toute  nostre  vie,  et  edifier  nos  prochains  par  bons  exemples.  Nous  le  prierons  de  toutes  ces  choses,  ainsi  que  ce  bon  Sauveur  et  Redempteur  Iesus  Christ  nous  a  enseigne  de  prier  en  disant,  Nostre  Pere  qui  es  es,  etc.  Ceste  Priere  suivante,  se  dit  aussi  par  l'Autheur  apres  qu'on  a  chante  le  Pseaume,  tant  le  Dimanche  que  leMercredi,  iour  des  Prieres.  Nous  invoquerons  nostre  bon  Dieu  et  Pere,  le  supplians  que  comme  toute  plenitude  de  sagesse  et  lumiere  gist  en  luy,  qu'il  nous  vueille  illuminer  par  son  sainct  Esprit  en  la  vraye  intelligence  de  sa  parole,  nous  faire  grace  que  nous  la  recevions  en