23:683  QUATRE  SERMONS  SUR  LA  IUSTIFICATION.  PREMIER  SERMON  DE  LA  IUSTIFICATION:  AUQUEL  EST  TRAITTE  QU'EST-CE  QUE  FOY  OU  CROIRE,  REPUTER  ET  IUSTICE.  Genese  Chap.  15.  4.  Le  Seigneur  donna  la  parole  a  Abram,  Gestuy-cy  ne  sera  point  ton  heritier,  mais  celuy  qui  sortira  de  ton  ventre,  te  sera  heritier.  5.  Et  le  tim  hors,  et  luy  dit:  Regarde  maintenant  le  ciel,  et  conte  les  estoilles  si  tu  peux:  et  luy  dit:  Ainsi  sera  ta  semence.  6.  Abram  creut  a  Dieu,  et  il  luy  reputa  a  iustice.  Nous  vismes  hier  qu'Abram  se  complaignant  a  Dieu  qu'il  n'avoit  point  d'enfant  qui  peust  estre  son  heritier,  ne  vaguoit  point  hors  de  la  promesse:  comme  beaucoup  de  gens  voudroyent  assuiettir  Dieu  a  leur  appetit,  et  murmurent  sinon  qu'en  tout  et  partout  il  leur  complaise.  Or  Abram  ne  s'est  pas  ainsi  lasche  la  bride,  ce  luy  a  este  assez  de  sentir  que  Dieu  luy  estoit  propice,  et  qu'il  estoit  sous  sa  garde  et  a  la  vie  et  a  la  mort.  Il  n'a  rien  souhaite  plus  outre:  mais  seulement  il  a  regarde  quel  seroit  le  moyen  [pag.  99]  d'accomplir  la  promesse.  Or  il  falloit  qu'il  eust  le  Redempteur  promis:  et  voila  pourquoy  ce  desir  si  ardent  est  en  luy  d'avoir  lignee:  ce  n'est  pas  comme  nous  avons  traitte,  au  regard  du  monde,  mais  pour  ce  qu'il  ne  povoit  estre  autrement  resolu  et  persuade  de  la  faveur  paternelle  de  Dieu.  Et  ceci  est  mieux  conferme  par  la  promesse  que  Dieu  luy  donne:  car  du  premier  coup  il  luy  ottroye  sa  demande,  et  mesmes  il  le  redargue  de  ce  qu'il  a  doute,  veu  que  desia  la  parole  luy  avoit  este  donnee.  Non,  dit-il,  (Cestuycy  ne  sera  point  ton  heritier,  mais  celuy  qui  sortira  de  ton  ventre).  Vray  est  que  Dieu  quelque  fois  accordera  bien  des  regrets*  que  les  hommes  luy  feront  inconsiderement  :  mais  icy  nous  voyons  que  Dieu  avoue  le  souhait  de  son  serviteur  Abram.  Et  non  sans  cause,  car  il  ne  demandoit  sinon  que