23:739  739  SERMONS.  740  il  a  parle,  ce  nous  doit  estre  assez:  car  sa  Parole  nous  est  une  verite  infaillible.  Et  au  reste  que  nous  cognoissions  sa  bonte  et  qu'en  cest  endroit  il  supporte  nostre  fragilite,  d'autant  qu'il  ne  parle  point  seulement  pour  un  coup,  mais  il  nous  re-fraischit  la  memoire  de  ses  promesses,  et  veut  que  nous  y  profitions  tout  le  temps  de  nostre  vie,  que  nous  y  soyons  confermez,  que  ce  ne  soit  point  seu-lement  pour  un  iour  que  nous  ayons  creu  a  luy.  Mais  que  nous  soyons  conduits  et  gouvernez,  non  seulement  toute  nostre  vie,  mais  outre  la  mort  par  sa  vertu  iusques  a  ce  que  nous  soyons  parvenus  en  son  royaume,  ou  nous  n'aurons  plus  besoin  de  pa-role,  et  la  ou  la  foy  n'aura  plus  de  lieu  ne  toutes  autres  choses  semblables.  Car  alors  nous  aurons  la  pleine  iouissance  de  ce  que  nous  voyons  maintenant  en  obscurite,  et  comme  un  miroir,  nous  [pag.  215]  le  verrons  alors  face  a  face.