23:738  Ainsi  donc,  notons  combien  que  la  terre  de  Chanaan  soit  appellee  son  heritage,  comme  quand  elie  est  aussi  appellee  le  repos  de  Dieu  et  son  domicile  :  toutesfois  cela  est  comme  un  gage  ou  une  arre  a  parler  plus  proprement.  Car  un  gage  encores  emporte  valeur  correspondante  a  ce  qui  doit  estre  asseure:  mais  une  arre  ne  sera  rien.  On  baillera  le  denier  a  Dieu  qu'on  appelle,  pour  un  marche  de  mille  escus  ou  cent  fois  plus.  Et  voila  une  piece  qu'on  baillera,  et  de  quelle  valleur?  De  nulle.  Fn  pot  de  vin  emportera-il  une  terre,  ou  une  possession  grande  qui  sera  pour  enrichir  et  trois  et  quatre  hommes?  Mais  quoy  qu'il  en  soit  ceste  arre-la  est  destinee  a  tel  usage.  Ainsi  donc,  la  terre  de  Chanaan,  a  este  l'heritage  de  tous  les  enfans  d'Abram,  et  de  ceux  qui  sont  descendus  de  sa  lignee,  voire  en  telle  sorte  que  ce  leur  a  este  comme  arres  du  ciel:  tant  y  a  que  les  vrais  fideles  ne  se  sont  point  attendus  la,  et  n'y  ont  point  este  fichez,  comme  i'ay  desia  dit,  mais  ont  tousiours  pense  plus  haut.  Nous  voyons  [pag.  213]  donc  en  somme  ou  Dieu  a  voulu  appeller  Abram,  comme  s'il  disoit,  qu'il  ne  luy  fist  point  mal  de  languir.  Car  les  promesses  qu'il  a  receues  par  ci  devant  luy  seront  accomplies:  et  qu'il  ne  faut  point  qu'il  se  fonde  sur  son  sens  propre.  Et  pourquoy?  Qu'il  regarde  celuy  qui  a  parle,  c'est  l'Eternel  qui  est  immuable.  Nous  changeons  a  chascune  minute  de  temps,  et  puis  voila  qui  est  cause  de  nous  ennuyer  et  de  nous  faire  chagriner,  quand  Dieu  n'accomplist  pas  ce  qu'il  a  dit  du  premier  coup:  ou  que  nous  regardons  la  brevete  de  nostre  vie,  et  que  le  temps  que  nous  avons  a  vivre  n'est  qu'une  ombre  qui  se  remue,  il  nous  semble  que  Dieu  ne  viendra  iamais  a  temps.  Aussi  faut-il  que  nous  apprenions  de  corriger  ce  vice-la  par  ce  que  nous  oyons  ici  qu'il  est  dit  a  Abram,  Ie  suis  l'Eternel  qui  ne  change  point:  et  puis  nous  oyons  ce  qui  est  dit,  que  mille  ans  sont  comme  un  iour  devant  luy,  ainsi  qu'il  en  est  parle  au  Cantique  de  Moyse,  et  que  sainct  Pierre  aussi  l'applique  a  cc  propos-la.  Car  les  moqueurs  de  Dieu,  dit-il,  voyans  que  le  temps  s'escoule,  se  moquent,  comme  si  les  menaces  et  promesses  de  Dieu  estoyent  frustratoires.  Non,  Non,  dit-il,  il  ne  vous  abuse  point,  il  accomplira  ce  qu'il  dit,  quoy  qu'il  tarde:  car  mille  ans  sont  devant  luy  comme  un  iour.  Il  faut  donc  que  nous  eslevions  nostre  veue  [pag.  214]  plus  haut,  et  que  nous  cognoissions,  puis  que  c'est  l'Eternel  qui  parle  a  nous,  qui  ne  change  et  ne  varie  iamais,  qu'il  fera  ce  qu'il  a  dit:  non  point  selon  nostre  opinion,  mais  comme  il  cognoist  estre  bon.  Et  de  nostre  part  il  ne  faut  point  que  nous  soyons  impetueux  ou  fretillans,  mais  que  nous  sortions  par  maniere  de  dire  hors  de  nous-mesmes  pour  venir  a  luy,  auquel  il  n'y  a  point  d'inconstance  ni  de  legerete,  car  il  est  l'Eternel.  Et  puis  que  nous  apprenions  que  quand  47