23:682  serons  comme  povres  bestes  esgarees,  et  que  chacun  s'adonnera  a,  ses  appetis  et  cupiditez,  ou  sera-ce  aller?  Ne  voila  point  une  confusion  trop  grande  pour  nous,  quand  les  Anges  ont  ceste  humilite  que  i'ay  dicte,  et  que  de  nostre  coste  nous  serons  si  pleins  d'orgueil  et  de  rebellion?  Voila  donc  ce  que  nous  avons  a  retenir  en  somme,  que  quand  nous  parlerons  de  Dieu,  sa  vertu  soit  tousiours  conioincte  avec  son  essence:  que  ce  mot  de  Dieu  ne  nous  passe  point  par  les  levres  comme  a  beaucoup  de  gens,  mais  que  nous  sachions  que  comme  il  est  l'Eternel,  comme  il  a  cree  toutes  choses,  qu'il  s'est  reserve  aussi  la  domination  et  Empire  sur  nos  personnes,  sur  tous  nos  biens  et  sur  toutes  creatures  :  et  qu'il  faut  que  nous  cognoissions  que  nous  avons  a  rendre  conte  devant  luy,  voire  [pag.  97]  tel  conte  que  cependant  nous  sommes  exhortez  toutesfois  de  l'aimer  veritablement,  et  de  nous  renger  en  son  obeissance:  Car  il  ne  nous  veut  point  seulement  gaigner  par  force  et  par  violence  souz  le  nom  de  sa  maieste,  mais  par  les  graces  et  benefices  qu'il  nous  elargit,  afin  que  nous  soyons  comme  allechez  pour  venir  a  luy:  tellement  qu'en  toutes  nos  paroles,  nos  pensees  et  nos  oeuvres,  nous  ayons  tousiours  esgard  a  glorifier  son  sainct  nom.  PRIERE.  Or  nous  nous  prosternerons  devant  la  maieste  de  nostre  bon  Dieu  en  cognoissance  de  nos  fautes,  le  priant  nous  en  toucher  tellement,  que  ce  soit  pour  nous  humilier  devant  luy  et  pour  nous  desplaire  en  nous-mesmes,  et  estre  du  tout  confuz,  afin  que  nous  mettions  toute  nostre  esperance  en  sa  misericorde,  qu'il  nous  a  monstree  en  son  Filz  unique,  et  que  nous  y  ayons  du  tout  nostre  refuge:  et  puis  qu'il  nous  a  rachetez  si  cherement,  que  nous  tachions  de  nous  dedier  du  tout  a  luy  en  purete  et  de  corps  et  d'ame,  et  que  nous  luy  facions  tel  hommage  que  nous  luy  monstrions  que  vrayement  nous  ne  desirons  point  d'estre  a  nous  mesmes  :  mais  que  nous  voulons  nous  adonner  du  tout  a  son  service,  puis  qu'il  luy  a  pleu  nous  recevoir  a  luy.  Que  non  seulement.  .  .  .  Fin.