23:644  patience,  allegue  ce  qui  est  dit  au  Cantique  de  Moyse  :  C'est  a  moy  que  la  vengeance  appartient,  dit  le  Seigneur.  La  dessus  il  conclud  qu'il  nous  faut  donc  donner  lieu  a  ire.  Dieu  s'attribue  cest  office  de  faire  vengeance  s'il  y  a  eu  quelque  excez  et  quelque  malefice,  comme  c'est  l'office  de  Dieu  d'en  faire  la  punition:  maintenant  si  chacun  s'en  veut  mesler,  et  qu'un  homme  prive  s'ingere  pour  se  rebecquer,  il  est  certain  qu'il  despouille  Dieu  de  son  honneur  et  de  son  droit,  comme  s'il  l'en  vouloit  exclure.  Afin  donc  que  nous  donnions  lieu  a  ire:  c'est  a  dire  que  Dieu  se  monstre  nostre  protecteur  et  qu'il  chastie  nos  ennemis,  qu'il  prenne  nostre  guerre  en  main,  il  faut  que  tous  demeurions  la  tout  quois.  Car  -celuy  qui  s'armera,  despouille  Dieu,  comme  i'ay  dit,  de  la  iurisdiction  laquelle  il  s'attribue  pour  la  defense  de  siens.  En  somme,  les  personnes  privees  ne  se  doyvent  point  seulement  abstenir  de  toute  violence,  mais  aussi  doyvent  avoir  un  courage  paisible  pour  souffrir  quand  il  plait  a  Dieu  de  les  humilier:  et  cependant,  comme  [pag.  19]  sainct  Pierre  nous  exhorte,  doyvent  recommander  leurs  ames  et  leurs  vies  a  celuy  qui  en  est  et  protecteur  et  possesseur.  Cependant  si  voyons-nous  qu'Abram  a  este  approuve  (car  Melchisedec  en  le  benissant  dit  que  c'a  este  une  conduitte  de  Dieu,  que  ceste  victoire  laquelle  luy  a  este  donnee)  Abram  toutesfois  estoit  homme  prive,  il  n'estoit  Roy  ne  Prince:  mesme  il  habitoit  en  la  terre  de  Canaan  comme  estranger.  Mais  nous  avons  a  noter  pour  le  premier,  qu'il  estoit  desia  constitue  Seigneur  et  maistre  de  ce  pais-la.  Et  combien  que  la  possession  ne  luy  en  fust  pas  encores  donnee,  si  est-ce  que  le  droit  luy  en  appartenoit.  Car  il  avoit  este  prononce  par  la  bouche  de  Dieu  :  Voyci  ceste  terre  qui  est  tienne  et  a  ta  posterite.  Abram  donc  ne  doit  point  estre  mis  au  rang  des  autres,  veu  que  Dieu  luy  a  testifie  qu'il  luy  donnoit  la  possession  de  ceste  terre-la,  combien  qu?il  n'en  iouit  pas.  Il  y  a  desia  ceste  distinction  en  Abram.  Si  on  replique  que  ce  n'est  pas  assez  qu'il  eust  le  droit  pour  le  temps  advenir:  la  dessus  encores  nous  avons  a  noter  que  l'exemple,  que  nous  lisons  ici,  est  semblable  a  celuy  de  Moyse.  Car  quand  Moyse  a  tue  l'Egyptien,  le  temps  de  la  redemption  du  peuple  n'estoit  pas  encores  venu.  Il  s'en  falloit  quarante  ans:  et  toutesfois  Moyse  n'a  pas  laisse  de  faire  une  execution  du  glaive,  et  ce  n'est  point  de  temerite  et  de  folie  [pag.  20],  car  il  en  a  eu  approbation  de  Dieu.  S.  Estienne  notamment  recite  que  Moyse  pensoit  que  ses  freres  cognussent  que  Dieu  l'y  avoit  ordonne,  et  que  Dieu  lui  avoit  assigne  cest  office.  Moyse  donc  declaroit  qu'il  ne  s'ingeroit  pas  de  soy-mesme.  Et  de  fait,  quarante  ans  apres,  quand  Dieu  l'appelle,  il  s'excuse,  il  amene  toutes  les  raisons  et  les  subterfuges  qu'il  est  possible