21:53  53  PAR  NICOLAS  COLLADON.  sonnage  que  Dieu  avoit  suscite  efc  marque,  pour  estre  par  sa  grande  misericorde  excellent  serviteur  en  son  Eglise:  lequel,  quand  bon  luy  a  semble,  par  le  moyen  qu'il  luy  a  pleu,  et  au  lieu  qu'il  a  voulu  choisir  de  sa  pure  et  seule  grace,  il  a  appele:  et  puis  conduit,  fortifie  et  arme  d'une  saincte  perseverance  iusques  au  iour  de  sa  mort,  pour  edifier  les  siens  pax  sa  bouche  et  ses  escrits,  avec  la  vie  conforme.  Or,  pour  plus  grande  facilite,  ie  suyvray  l'ordre  du  temps,  touchant  la  ou  faire  se  pourra,  les  personnes  et  les  lieux,  sans  lesquels  les  choses  ne  pourroyent  estre  entendues.  Ie  commenceray  donc  par  la  nativite  d'iceluy,  qui  fut  le  10.  iour  de  Iuillet  l'an  1509.  ce  que  ie  note,  non  pas  afin  de  cercher  en  son  horoscope  les  causes  des  evenemens  de  sa  vie,  et  beaucoup  moins  des  vertus  excellentes  qui  ont  este  en  luy,  mais  simplement  pour  le  [a  4]  regard  de  l'histoire.  Et  de  fait,  veu  que  luy-mesme  a  eu  en  telle  horreur  les  abus  qui  sont  en  l'Astrologie  qu'on  appelle  Iudiciaire,  qu'il  a  fait  un  livre  expres,  auquel  il  a  monstre  vivement  par  bonnes  raisons,  mais  principalement  par  la  parole  de  Dieu,  que  ce  n'est  chose  a  supporter  en  une  Eglise  Chrestienne  ou  Republique  sagement  ordonnee,  d'autant  que  ce  n'est  que  vanite  et  mensonge:  ce  seroit  luy  faire  tort,  de  lascher  la  bride  a��  telles  speculations  quant  a  sa  personne.  Seulement  contentons-  nous  que  Dieu,  se  voulant  servir  de  luy  au  temps  determine,  l'a  mis  au  monde  le  iour  susdit,  ce  fut  a  Noyon,  ville  ancienne  et  celebre  de  Picardie.1)  Il  a  eu  quatre  freres,  assavoir  Charles  son  aisne,  lequel  mourut  en  aage  d'homme  apres  la  mort  du  pere:  Antoine  son  puisnay  qui  est  encores  auiourd'huy  vivant,  et  l'a  tousiours  accompagne  depuis  vingt  et  huit  ans  en  ca:  et  deux  autres,  dont  l'un  se  nommoit  aussi  Antoine,  l'autre  Francois,  lesquels  moururent  ieunes.  Quant  a  luy,  il  fut  nomme  Iean,  estant  presente  au  sainct  Baptesme  par  un  chanoine  de  Noyon,  dit  Iean  des  Vatines.  A  ce  propos  parlant  de  son  Baptesme,  et  monstrant  qu'il  faloit  distinguer  et  separer  ce  qui  estoit  la,  de  la  tradition  des  hommes,  d'avec  ce  qui  est  de  l'ordonnance  de  Dieu  et  de  nostre  Seigneur  Iesus  Christ,  il  disoit  volontiers:  Ie  renonce  le  cresme  et  retien  mon  Baptesme.  Leur  pere  avoit  nom  Girard  Calvin,  et  estoit  natif  d'un  lieu  pres  de  Noyon,  nomme  le  Pont  l'Evesque,  mais  avoit  tousiours  fait  sa  residence  en  la  ville  de  Noyon:  la  mere  s'appelloit  Ianne  le  Franc.  La  maison  estoit  honneste  et  de  moyennes  facultez,  et  le  pere  estant  homme  de  bon  entendement  et  bon  conseil,  estoit  1)  Pour  ce  qui  va  suivre  comp.  la  premiere  redaction.  p.  17  suiv.