21:52  saincte  et  admirable,  de  sa  vie  tant  bonne  et  entiere,  de  sa  mort  tant  heureuse  et  Chrestienne,  si  ie  n'avoye  apprins  par  tous  ces  moyens  a  me  soubmettre  a  la  providence  de  Dieu  avec  toute  satisfaction  et  contentement.  Cependant  afin  que  toutes  gens  de  bien  qui  luy  ont  porte  amour  et  honneur,  ou  l'ayans  veu,  ou  seulement  leu  de  ses  escrits  et  ouy  parler  de  luy,  ayent  de  quoy  se  consoler  avec  moy  en  Dieu  de  ceste  perte,  ie  leur  ay  ici  mis  par  escrit  en  [a  3]  premier  lieu  quasi  tout  nuement  et  simplement  l'histoire  de  sa  vie  et  de  sa  mort,  desquelles  l'une  et  l'autre  leur  rafraischiront  quant  et  quant  la  memoire  de  sa  doctrine:  et  puis  i'ay  adiouste  quelque  brief  discours  sur  certains  poincts  desquels  on  a  tasche  de  le  diffamer.  Or  le  tout  servira  par  mesme  moyen  a  fermer  la  bouche  aux  malins  et  mesdisans,  qui  abbreuvent  de  faux  bruits  et  calomnies  en  cest  endroit  le  simple  peuple.  Il  est  vray  que  les  escrits  dudit  Calvin,  et  la  reputation  qu'il  a  acquise  par  l'espace  de  trente  ans  enca  ou  environ,  sont  choses  qui  parlent  assez  d'ellesmesmes  pour  donner  crainte  aux  meschans,  voulans  inventer  faux  blasmes  contre  luy,  et  mesmes  pour  leur  faire  honte,  s'ils  en  avoyent  quelque  peu  de  reste.  Mais  nous  savons  la  malignite  desbordee  qui  se  monstre  auiourd'huy  en  plusieurs,  voire  de  ceux  mesmes  qui  ont  gouste  la  cognoissance  de  l'Evangile:  assavoir  qu'ils  ne  font  nulle  conscience  de  calomnier  les  fideles,  et  blasonner  les  serviteurs  de  Dieu:  pource  qu'ils  trouvent  gens  qui  font  semblant  de  croire  le  tout,  encore  qu'ils  sachent  bien  que  ce  n'est  que  mensonge.  Finalement  ce  sera  aussi  pour  armer  de  response  les  simples  qui  sont  abusez  par  faux  rapports  estans  trop  faciles  a  croire,  et  par  cela  sont  destournez  de  lire  les  livres  dudit  Calvin.  En  somme,  tous  verront  ici  clairement  que  la  vie  d'iceluy  monstre  que  c'a  este  un  per-