21:117  117  PAR  NICOLAS  COLLADON.  118  en  a,  este  quitte  pour  une  amende  honorable  a  Dieu  et  a  la  seigneurie.  Ou  est  ceste  cruaute?  Un  seul  Servet  a  este  mis  au  feu.  Et  qui  en  fut  iamais  plus  digne  que  ce  malheureux,  ayant  par  l'espace  de  trente  ans,  en  tant  et  tant  de  sortes  blaspheme  contre  l'Eternite  du  Fils  de  Dieu,  attribre  le  nom  de  Cerberus  a  la  Trinite  des  trois  Personnes  en  une  seule  essence  Divine,  aneanti  le  baptesme  des  petis  enfans,  accumule  la  pluspart  de  toutes  les  puantises  que  iamais  Satan  vosmit  contre  la  verite  de  Dieu,  seduit  une  infinite  de  personnes,  et  pour  le  comble  de  malediction,  n'ayant  iamais  voulu  ni  se  repentir  en  donnant  lieu  a  la  verite,  par  laquelle  tant  de  fois  il  avoit  este  conveincu,  ni  donner  esperance  de  conversion?  Et  s'il  en  faut  venir  aux  iugemens  des  Eglises,  qui  ne  doit  plustost  approuver  ce  que  les  Eglises  de  toute  l'Allemagne,  et  nommement  Philippes  Melanchthon  renomme  pour  sa  douceur,  en  a  non  seulement  dict,  mais  aussi  publie  par  escrit,  a  la  louange  d'une  telle  et  si  iuste  execution?  Pour  la  fin  de  ce  propos,  ceux  qui  trouvent  un  tel  acte  mauvais,  ne  scauroyent  mieux  monstrer  ni  leur  ignorance,  en  blasmant  ce  qui  merite  singuliere  louange,  ni  leur  temerite  quand  ils  s'en  attachent  a  celuy  qui  n'a  fait  office  que  de  pasteur  fidele,  advertissant  le  Magistrat  de  son  devoir,  s'efforcant  par  tous  moyens  de  ramener  un  tel  malheureux  a  quelque  amendement,  et  finalement  n'oubliant  rien  pour  empescher  qu'une  telle  peste  n'infectast  son  troupeau.  Il  y  en  a  d'autres  qui  l'ont  trouve  par  trop  cholere.  Ie  ne  veux  point  faire  d'un  homme  un  Ange.  Ce  non  obstant,  pource  que  ie  scay  combien  Dieu  s'est  [Z  2]  merveilleusement  servi  mesmes  de  ceste  vehemence,  ie  ne  doy  taire  ce  qui  en  est  et  que  i'en  scay.  Outre  son  naturel  enclin  de  soymesmes  a  colere,  l'esprit  merveilleusement  prompt,  l'indiscretion  de  plusieurs,  la  multitude  et  variete  infinie  d'affaires  pour  l'Eglise  de  Dieu,  et  sur  la  fin  de  sa  vie,  les  maladies  grandes  et  ordinaires,  l'avoyent  rendu  chagrin  et  difficile.  Mais  tant  s'en  faloit  qu'il  se  pleust  en  ce  defaut,  qu'au  contraire  nul  ne  l'a  mieux  apperceu,  ne  l'a  trouve  si  grand  que  luy.  Cela  soit  dict  quant  a  sa  vie  et  conversation  domestique,  en  laquelle  ce  seul  defaut  que  iamais  i'aye  cognu  en  luy,  estoit  tempere  de  si  grandes  et  tant  aimables  vertus,  et  si  peu  ou  point  du  tout  accompagne  des  autres  vices  qui  ont  accoustume  de  le  suivre,  que  nul  ami  n'en  demeura  onques  *)  qffense  ni  de  faict  ni  de  paroles.  Mais  quant  au  public,  concernant  la  charge  que  Dieu  1)  jamais  F.