19:2  2  Comitem  Erpachium3)  ut  occurrat  malis  consiliis:  fontem  perfidiae  ostendi  et  quantum  diluvium  inde  erumperet.  De  fratribus  nostris  recipio  quod  scripsisti,  non  esse  liberos,  eorum  nominibus  in  tabulas  publicas  relatis.  Sed  quia  frater  meus4)  adventu  suo  vestras  omnes  contestationes  delevit  nihil  est  quod  Merlini  reditum  impediat.  De  Colongio  non  audeo  urgere,  quia  non  potest  impetrari  a  Ducissa,  quod  si  hic  esset  tanta  contentione  eum  postulant  Burdegali  ut  eius  retinendi  nulla  spes  sit  :  et  nudius  tertius  Gevalerius5)  in  eius  aedes  migravit:  sustinueram  hominis  impetus,  quos  probe  nosti.  Tandem  etsi  aperte  non  cessi,  continui  me  in  silentio.  Antequam  hinc  discederes  scis  de  successore6)  inter  nos  actum  esse.  Cur  nondum  res  peracta  fuerit  aliquando  cognosces.  Sic  quidem  existimat  senatus,  obligatione  solutum  esse,  quoniam  de  communi  collegii  nostri  sententia  petita  fuit  simplex  missio*  Sed  facit  mors  Antesignani  ut  Merlinum  retrahere  cogamur.  7)  Causam  hanc  nuper  subticui.  Iniquissimum  tamen  esset  Vincentium8)  post  tantos  sumptus  exhaustos  a  nobis  deseri.  Quid  autem  privatum  unius  hominis  ius  persequor  ac  non  potius  obiicio  nefas  3)  A.  3538.  4)  Antoniumne  significat?  Sed  quid  hic  ad  rem?  5)  qui  ergo  ex  Lugduno  (N.  3369)  redierat.  Ex  commentariis  senatus  ad  28.  Aug.  discimus  eum  maiorem  domum  postulasse.  6)  In  Galliam  redire  cupiebat,  et  accepta  venia,  primum  ad  tempus  tantam,  {Reg.  du  Conseil.  8.  l  l  .  Dec.)  ad  Cadomenses  se  recepit  ministerio  functurus.  Ipse  Cadomensis  erat.  7)  Rediit  23.  Oct.  (Reg.  du  C.)  8)  Vincentius  typographus  videtur  Merlini  quoddam  opus  sub  prelo  habuisse  quod  absente  autore  absolvere  non  poterat.  Fortassis  agitur  de  recognitione  versionis  gallicae  V.  T.  (Cf.  etiam  Bezae  responsum  d.  d.  21.  Od.)  A.  1561.  Merlinus  edidit  Traduction  et  exposition  des  dix  comandements  (Senebier.  II.  100,  qui  tamen  Riverium  typographum  nominat)  et  Traduction  franc,  des  Comm.  d'Oecolampade  sur  Job  et  Daniel  (Raag  qui  typographi  nomen  non  indicat).  1