12:2  2  operam  ut  illos  tuos  theologiae  candidatos,  quibus  tua  scribitur  Institutio,  antevertamus,  ne  ad  hos  impingant  scopulos,  neve  ecclesia  tuae  Institutionis  assidua  lectione  periclitetur  inescata.  Scripsisti  praeterea  quid  ecclesiae  Genevensi  (vel  tibi  potius)  de  his  rebus,  pro  quibus  controversamur,  servata  unitate  spiritus  in  vinculo  pacis  videbatur.  Ubi  mihi  duo  fecisse  videris  :  primum  modum  exercendae  censurae  miro  verborum  artificio,  quo  vales,  niteris  asserere,  et  mihi  (cum  venia  loquar)  fecisse  videris  quod  Hieronymus  in  Vigilantium,  qui  quum  non  haberet  firma  scripturae  testimonia,  quibus  hominis  sententiam  convelleret,  miro  coepit  ludere  artificio  omnemque  dicendi  vim  exserere.  Verum  ego  his  non  moveor.  Aliud  sane  solidius  a  te,  quum  apud  nos  esses  et  mecum  pro  ea  ipsa  re  confligeres,  exigebatur  testimonium.  Alterum  quod  attexis  est  de  oblatis  propositionibus,  quas  dissimulato  ex  industria  autoris  nomine  niteris  convellere.  De  utroque  autem  quid  sentiam  brevi  intelliges.  Vale.  Dominus  te  ecclesiae  suae  servet  incolumem.4)  602.  SULZERUS  CALVINO.  Per  Viretum  rerum  Bernensium  statum  cognovisse  Calvinum  arbitratur.  ID  e  quo  ergo  pro  tempore  nihil  amplius.  Concilium  futurum  non  sine  spe  salutat.  Lutheri  libellus  novas  commotiones  minatur.  (Ex  autographo  God.  Gen.  109,  fol.  174.)  4)  Quum  Libellus  Capunculi  mense  Decembre  1544  scriptus  videatur,  quem  sequuta  est  brevis  illa  Calvini  epistola,  longior  autem  dissertatio  eiusdem  ad  Neocomenses  (N.  607)  ad  d.  21.  Ianuarii  referatur,  hanc  Capunculi  ante  medium  huius  mensis  scriptam  fuisse  coniicimus.  1