9:877  877  DEUX  DISCOURS  DE  CALVIN  AU  COLLOQUE  DE  LAUSANNE.  Seance  du  5.  Octobre  1536.l)  Ie  m'estoie  abstenu  de  parler  iusques  a,  ceste  heure  et  avoye  delibere  de  me  abstenir  iusques  a  la  fin,  voyant  que  ma  parolle  n'estoit  pas  fort  requise  en  si  suffisantes  responses  que  donnent  mes  freres  Farel  et  Viret.  Mais  la  reproche  que  vous  nous  avez  faicte  touchant  les  sainctz  docteurs  anciens  me  contrainct  de  dire  ung  mot  pour  remonstrer  briefvement  combien  a  tort  et  sans  cause  vous  nous  accusez  en  cest  endroict.  Vous  nous  imposez  que  nous  les  contemnons  et  du  tout  reiectons,  adiouxtant  la  raison  que  c'est  pourtant  que  nous  les  sentons  contraires  et  adverses  a  nostre  cause.  Quant  au  contemnement  nous  ne  refusons  point  que  ne  soyons  estimez  de  tout  le  monde  non  seulement  temeraires  mais  arrogans  outre  mesure,  si  nous  avions  telz  serviteurs  de  Dieu  en  mocquerye  telle  que  vous  dictes,  iusques  a  les  reputer  asnes.  S'il  estoit  ainsi,  nous  ne  prendrions  point  la  peine  de  les  lire  et  nous  servir  de  leur  doctrine  quand  mestier  est  et  que  l'occasion  s'y  addonne.  Tellement  que  ceux  qui  font  semblant  de  leur  porter  grande  reverence  souvent  ne  les  ont  pas  en  si  grand  honneur  que  nous,  etne  daigneroientemploierle  temps  a  lire  leurs  escriptz  que  nous  y  employons  voluntiers.  Comme  se  pourroit  prouver,  non  pas  a.  vous,  mais  a  ung  qui  y  seroit  un  peu  plus  exercita.  Mais  ce  que  nous  les  avons  tousiours  cependant  au  nombre  de  ceux  aux  quelz  nest  pas  deue  obeissance  et  ne  exaltons  pas  tellement  leur  autorite  que  elle  puisse  amoindrir  ou  aucunement  abaisser  la  dignite  de  la  parolle  du  seigneur,  laquelle  seule  avec  entiere  obeissance  doibt  estre  estimee  en  leglise  de  Iesu-  1)  Le  debat  portait  ce  jour-la  sur  le  troisieme  des  dix  articles  proposes  {Voyes  ci-dessus  page  701)  et  Von  discutait  la  question  de  la  presence  reelle  du  Christ  glorifie.  Actes  fol  163  verso  et  suiv.  Buchat,  Hist  de  la  res.  de  Suisse  IV.  p.  284  suiv.