9:863  863  PREFACE  DES  DISPUTATIONS  CHRESTIENNES  DE  R  VIRET.  IEH4N  CALVIN  AUX  LECTEURS.  La  dilection  de  Dieu,  nostre  Pere,  et  la  grace  de  nostre  Seigneur  Iesus  Christ,  vous  soit  donnee  et  multipliee  de  iour  en  iour,  par  la  communion  du  sainct  Esprit.  Il  y  a  un  Poete  ancien  qui  dit  que  celuy  qui  delecte  et  profite  tout  ensemble  en  ses  escritz  a  gaigne  le  pris  et  faveur  envers  tous.  Cela  est  dict  a  cause  de  la  diversite  des  natures.  Bien  est  vray  que  la  seule  doctrine,  quand  nous  la  congnoissons  bonne  et  utile,  nous  devroit  bien  suffire  pour  nous  inciter  a  lire  voulentiers  un  livre,  y  appliquer  nostre  estude,  l'aymer  et  le  priser,  et  finalement  y  prendre  plaisir.  Mais  il  y  en  a  plusieurs,  et  quasi  la  plus-part,  qui  seront  beaucoup  plus  aises  qu'on  les  enseigne  avec  une  facon  ioyeuse  et  plaisante  qu'autrement:  en  sorte  que,  comme  en  s'esbatant,  ilz  profitent  et  receoyvent  instruction.  Tout  ainsi  donc  que  ceux  qui  s'occupent  a  composer  livres  de  passe-temps  vain  et  frivole,  et  amusent  le  monde  a  les  lire,  sont  a  vituperer,  encore  qu'il  n'y  eust  nulle  corruption:  aussi  d'autre  coste  ceux  qui  ont  la  grace  de  tellement  enseigner,  qu'ilz  delectent  quant  et  quant,  et  induisent  les  lecteurs  a  profiter  par  le  plaisir  qu'ilz  leur  donnent,  sont  doublement  a  louer.  Et  de-faict  c'est  une  vertu  et  faculte  qui  n'est  pas  en  tous.  Mesme  les  plus  savans  quelque  foys  n'y  pourront  pas  advenir:  et  qui  plus  est,  se  feront  ridicules  en  affectant  ce  qui  ne  leur  est  pas  donne.  Car  un  homme  qui  veut  user  de  faceties  se  doit  donner  garde  de  deux  vices.  L'un  est  qu'il  n'y  ayt  rien  de  contraint,  ou  tire  de  trop  loing  :  comme  il  y  en  a  aucuns  qui  ont  des  froides  risees,  lesquelles  ii  semble  advis  qu'on  leur  ayt  arrache  du  gosier  par  force.  L'autre  est  de  ne  point  decliner  a  une  iaserie  dissolue,  laquelle  en  latin  se  nomme  scurrilite,  en  nostre  langage  plaisant  erie.  Ainsi  de  tenir  le  moyen,  c'est  de  savoir  bien  a  propos,  et  avec  grace  et  par  mesure,  parler  ioyeusement,  pour  recreer  tellement  qu'il  n'y  ayt  rien