9:785  785  PRAEFATIO  IN  NIC.  CHEMINI  ANT  APOLOGIAM.  IOANNES  CALVINUS  FRANCISCO  CONNANO  IURIS  STUDIOSISSIMO  S.  Ecce  tandem  exit  Apologia  Chemini  nostri  communemque  scriptorum  aleam  experitur,  etsi  non  eo  consilio  scripta  ut  in  publicum  aliquando  prodiret.  Sed  aequum  fuit  haec  quoque  publicari  quae  vir  ille  excitandi  exercendique  ingenii  gratia  luserat,  ne  Stellae  deesset  suum  patrocinium,  et  Albucius  nescio  quis  sine  sanguine  et  sudore  paeanas  sibi  suos  caneret.  Quod  si  quis  mavult  Alciatum  pro  Albucio,  ego  nec  affirmare  ausim  nec  velim  refellere:  sed  sagaciores  quidam  subodorantur  Alciatum  mutuatitio  nomine  voluisse  dissimulari,  ne  dentata  supra  modum  et  impatientis  linguae  facundia  talionis  iure  pensaretur.  Neque  vero  Stellam  destitutum  praesidiis  fuisse  quisquam  arbitretur,  aut  eius  silentium  interpretetur  confessionem,  qua  victoriam  hactenus  Albucio  permiserit:  verum  intelligat  bominem  seriis  negotiis  occupatum,  hac  etiam  in  parte  fiducia  veritatis  subnixum,  noluisse  perdere  operam  in  rebus  minime  necessariis,  quum  res  ipsa  pro  se  satis  loqueretur.  Alioqui  iam  in  mille  Albucios  calamum  strinxisset,  quo  est  praeditus  ingenii  acumine,  qua  industria,  qua  denique  iuris  peritia,  cuius  principatum  nostro  tempore  cum  uno  atque  altero  sine  controversia  obtinet.  Hanc  etiam  persuasionem  induerat  Cheminus,  nec  animum  ad  huius  opusculi  editionem  adiicere  poterat  nisi  solidis  quorundam  rationibus  convictus  foret,  qui  ostendebant  suam  patientiam  Stellae  fraudi  esse.  Sic  enim  vitiligatores  *)  quidam  causabantur,  non  defuturum  eum  sibi  fuisse  in  hac  causa,  si  qua  ratione  defensionem  instruere  potuisset,  quumZasio  adeo  constanter  restiterit.  Hac  velut  necessitate  adductus  noster  Cheminus  mutavit  sententiam,  et  quod  iam  fere  biennium  suppressum  voluerat  ad  obterendas  istorum  calumnias  palam  explicat.  Hoc  tamen  imprimis  prospectum  voluit,  ne  mutilum  et  corruptum  in  hominum  manus  veniret.  Itaque  quum  audiret  me  profectionem  adornare  Lutetiam,  mihi  pro  ea  quae  1)  Sic  Calvinus  vel  certe  iypotheta.  Herminjardus  ea;  Plinio  emendavit:  vitilitigatores.