52:77  77  CAPUT  I.  1.  Paulus  apostolus  Iesu  Christi,  per  voluntatem  Dei,  et  Timotheus  frater,  2.  sanctis  qui  sunt  Colossis,  et  fidelibus  fratribus  in  Christo:  gratia  vobis  et  pax  a  Deo  patre  nostro,  et  Domino  Iesu  Christo.  3.  Gratias  agimus  Deo  et  Patri  Domini  nostri  Iesu  Christi,  semper  pro  vobis  orantes,  4.  audita  fide  vestra,  quae  est  in  Christo  Iesu,  et  caritate  erga  omnes  sanctos,  5.  propter  spem  repositam  vobis  in  coelis,  de  qua  prius  audistis  per  sermonem  veritatis,  nempe  evangelii,  6.  quod  ad  vos  pervenit:  quemadmodum  et  in  universo  mundo  frudificat  et  propagatur,  sicut  etiam  in  vobis,  ex  quo  die  audistis  et  cognovistis  gratiam  Dei  in  veritate.  7.  Quemadmodum  et  didicistis  ab  Epaphra  dilecto  conservo  nostro,  qui  est  fidelis  erga  vos  minister  Christi:  8.  qui  etiam  nobis  manifestavit  caritatem  vestram  in  spiritu.  1.  Paulus  apostolus.  Iam  saepius  dictum  est  quorsum  pertineant  istae  inscriptiones.  Quia  autem  Colossensibus  nunquam  visus  fuerat:  ideoque  apud  ipsos  nondum  tam  firma  erat  eius  autoritas,  ut  solum  privatum  nomen  sufficeret:  Dei  voluntate  ordinatum  se  Christi  apostolum  praefatur.  Unde  sequebatur,  eum  non  temere  facere  quod  ignotis  scriberet:  eo  quod  legatione  sibi  a  Deo  mandata  fungeretur.  Neque  enim  uni  ecclesiae  addictus  erat,  sed  ad  omnes  patebat  eius  apostolatus.  Sanctorum  nomen,  quod  illis  tribuit,  magis  honorificum  est:  sed  fratres  fideles  appellans,  blandius  ad  se  audiendum  allicit.  Reliqua  ex  superioribus  Epistolis  petenda.  3.  Gratias  agimus  Deo.  Fidem  Colossensium  et  caritatem  laudat,  quo  eos  ad  pergendi  alacritatem  et  constantiam  melius  confirmet.  Deinde  quum  talem  de  ipsis  persuasionem  se  habere  ostendit,  eorum  animos  sibi  conciliat,  quo  sint  ad  recipiendam  suam  doctrinam  magis  propensi  ac  dociles.  Semper  observandum,  quod  gratulationis  loeo  gratiarum  actione  utitur.  Quo  docet,  in  omni  gaudio  protinus  debere  nobis  occurrere  memoriam  divinae  bonitatis:  quia  eius  beneficium  est  quidquid  nobis  laetum  ac  felix  contingit.  Suo  praeterea  exemplo  nos  admonet  ut  non  tantum  ea,  quae  nobis  confert  Dominus,  sed  etiam  quae  aliis,  gratiarum  actione