9:713  713  ARTICULI  DE  PBAEDESTIN  ATIONE.  ')  Ante  creatum  primum  hominem  statuerat  Deus  aeterno  consilio  quid  de  toto  genere  humano  fieri  vellet.  Hoc  arcano  Dei  consilio  factum  est  ut  Adam  ab  integro  naturae  suae  statu  deficeret  ac  sua  defectione  traheret  omnes  suos  posteros  in  reatum  aeternae  mortis.  Ab  hoc  eodem  decreto  pendet  discrimen  inter  electos  et  reprobos:  quia  alios  sibi  adoptavit  in  salutem,  alios  aeterno  exitio  destinavit.  Tametsi  iustae  Dei  vindictae  vasa  sunt  reprobi,  rursum  electi  vasa  misericordiae,  causa  tamen  discriminis  non  alia  in  Deo  quaerenda  est  quam  mera  eius  voluntas,  quae  summa  est  iustitiae  regula.  Tametsi  electi  fide  percipiunt  adoptionis  gratiam,  non  tamen  pendet  electio  a  fide  sed  tempore  et  ordine  prior  est.  Sicut  initium  et  perseverantia  fidei  a  gratuita  Dei  electione  fluit,  ita  non  alii  vere  illuminantur  in  fidem,  nec  alii  spiritu  regenerationis  donantur,  nisi  quos  Deus  elegit:  reprobos  vero  vel  in  sua  caecitate  manere  necesse  est,  vel  excidere  a  parte  fidei,  si  qua  in  illis  fuerit.  1)  Ex  autographo  Calvini  Btbl  Genev.  Cod.  145  fol.  100.