9:703  703  CONFESSIO  DE  TRINITATE  PROPTER  CALUMNIAS  P.  CAROLI.*)  Quum  in  Dei  maiestate  consideranda  mens  humana  per  se  omnino  caecutiat,  neque  quidquam  possit,  quam  et  infinitis  erroribus  sese  involvere,  et  miris  tricis  implicare  et  altissimis  demum  tenebris  immergere,  si  iuxta  captus  sui  tenuitatem  Deum  imaginari  conetur:  istud2)  bonorum  omnium  pace  ac  venia  facturos  confidimus,  si  Deum  nusquam  quaeramus  nisi  in  eius  verbo,  nihil  de  ipso  cogitemus  nisi  cum  eius  verbo,  de  ipso  nihil  loquamur  nisi  per  eius  verbum.  Haec  vero  sobrietas  et  reverentia  si  in  familiari  sermone  commendatur,  in  quo  multa  effutiri  solent  non  ante  praemeditata  :  ubi  quis  publicam  edere  fidei  suae  confessionem  hac  de  re  instituit,  nulla  adhiberi  satis3)  diligentia  potest,  et  in  sententiis  concipiendis  et  in  delectu  verborum  habendo  ut  nihil  in  ea  deprehendatur,  quam  ipsissima  scripturae  veritas  exquisitis  ac  solennibus  verbis  religiose  comprehensa.4)  Nemo  ergo  nobis  succenseat,  si  Confessionem  quam  piis  omnibus  volumus  approbatam  ita  moderamur,  ut  non  ex  variis  hominum  placitis  consarcinata,  sed  ad  rectam  scripturae  normam  diligenter  exacta  sit.  Siquidem  hic  nobis  succurrere  debet,  quod  tradit  apostolus,  fidem  esse  ex  auditu,  auditum  vero  per  verbum  Dei  (Rom.  10,  17).  Iam  si  religionis  confessio  nihil5)  est,  quam  conceptae  intus  fidei  testificatio,  ut  solida  sit  et  sincera,  ex  puris  scripturae  fontibus  petitam  esse  oportet  :  neque  vero  confessionem  duntaxat  eam  recipimus,  quae  ex  solis  scripturae  verbis  superstitiose  contexta  sit  et  consuta:  sed  iis  verbis  conscribendam  esse  contendimus,  quae  et  sensum  habeant  1)  Textum  tibi  offerimus  qualem  Beza  edidit.  Margini  adscribimus  lectiones  duorum  eaux.  MSS.  quorum  alterum  Bernae  exstat  in  Archivis,  alterum  Turici.  Utrumque  saepissime  ordinem  vocabulorum  mutat  quod  pro  tempore  negligendum  duximus.  2)  istud  nos.  3)  satis  magna.  4)  composita.  5)  nihil  aliud.